टेस्लाले फ्रान्समा खोल्यो विश्वको सबैभन्दा लामो सुपर चार्जर स्टेशन

विश्वको सबैभन्दा ठूलो इभी उत्पादक कम्पनी टेस्लाले फ्रान्समा विश्वकै सबैभन्दा लामो सुपरचार्जर स्टेशन संचालनमा ल्याएको छ । फ्रान्सको सुपरमार्केट ई.लेकलेर्कसंगको साझेदारीमा खुलेको उक्त स्टेशनमा २८ वटा भी३ सुपरचार्जर उपलब्ध गराइएको छ । जुन २५० किलोवाट क्षमताको हो ।

टेस्लाले पछिल्लो समय सुपर चार्जरको संख्या बढाउँदै लगेको छ । सन् २०२० २ हजार ५ सय ६४ स्टेशनमा २३ हजार २ सय ७७ सुपरचार्जर जडान गरेको उसले २०२१ को अन्त्यसम्मा यसलाई ३५ प्रतिशतले बढाएर कुल ३ हजार ४ सय ७६ स्टेशनमा ३१ हजार ४ सय ९८ पुर्याएको छ ।

विश्वभर नै आफ्नो इलेक्ट्रिक कारको संख्या बढ्दै गएपछि कम्पनीको ध्यान अहिले सुपरचार्जरको संख्या बढाउनमा केन्द्रित रहेको देखिन्छ । सोही क्रममा उसले केही समयअघि मात्र चीनको सांघाइमा विश्वको सबैभन्दा ठूला चार्जिङ स्टेशन निर्माण गरेको थियो । जहाँ ७२ वटा चार्जिङ स्टल राखिएको छ ।