विश्व प्रसिद्ध टेस्लाका इलेक्ट्रिक कार नेपालमा : यस्ता छन् विशेषता

नेपाली बजारमा टेस्लाका विद्युतीय कार करिव दुई वर्ष देखि बिक्री भइरहेका छन् । ती मध्ये टेस्ला मोडल ३ र मोडल वाई विश्व बजारमा निकै नै रुचाइएका कार हुन् ।

केही समय पहिले सम्पन्न नाडा ईभी एक्सपो २०२२ मा यी गाडीसँग फोटो खिचाउन होस वा खरिद गर्न वा गाडीको फिचरहरु जान्नका लागि निकै उत्साहित देखिन्थे ।

मेलामा दुईवटा मोडललाई मात्र प्रदर्शनीका लागि राखिएता पनि नेपाली बजारमा टेस्लाको तीन मोडलहरु मोडल वाई, टेस्ला मोडल ३ र टेस्ला मोडल एक्स उपलब्ध छन् । टेस्लाको वाई मोडलको कुरा गर्नुपर्दा एक पटकको फुल चार्जमा ३२६ किलोमिटरसम्म यात्रा गर्न सकिन्छ भने, १५५ किलोमिटरको उच्च गतिमा गुडाउन सकिने कम्पनीले दावी गरेको छ । पाँच सिट भएको यो मोडलको रुफ पानोरमिक ग्लासबाट बनेको छ । १४ वटा स्पिकर रहेको यस मोडलमा दूई स्मार्ट फोनलाई वाइरलेस चार्ज गर्न सकिन्छ । टेस्लाको मोडल वाईलाई अधिकतम सुरक्षित कार मानिन्छ । यो मोडलको मुख्य विशेषता नै सुरक्षित यात्रा भएको कम्पनीले बताएको छ । मोडल वाईमा इम्प्याक्ट प्रोटेक्सन, निकै बलियो बडी स्टक्चर र लो सेन्टर अफ ग्राभिटी पाउन सकिन्छ । यसका अतिरिक्त कम्पनीले यसमा टेक्नोलोजीमा आधारित ५० भन्दा धेरै सुरक्षा फिचर प्रदान गरेको छ ।

टेस्ला मोडल वाईमा २० इन्चको अलोय ह्वील, पावर एड्जस्टेवल अगाडि र पछाडिको सिट, सबै हिटेड सिट, प्रिमियम अडियो सहितको १३ वटा उफर, एलइडी फगल्याम्प, १५ इन्चको इन्फर्मेशन डिस्प्ले रहेको छ । टेस्लाको मोडल वाई रियर ह्वील र अल ह्वील ड्राइभ सिस्टममा उपलब्ध हुनेछ । रियर ह्वील ड्राइभमा २०९ किलोवाट क्षमताको मोटर छ भने अल ह्वील ड्राइभ सिस्टममा अगाडि र पडाडि रहेको दुबै मोटरको कम्वाइन्ड मोटरको पावर २९१ किलोवाट रहेको छ । साथै, कम्पनीले यसमा ७५ किलोवाट आवर क्षमताको ब्याट्री दिइएको छ । 

उक्त ब्याट्रीलाई सिंगल चार्जमा ५०५ किलोमिटर गुडाउन सकिने कम्पनीको दावी छ । हाल नेपाली बजारमा टेस्ला मोडल वाईको मूल्य २ करोड ३० लाख रुपैंयाँ रहेको छ ।

डिजाइन कारमा १८ इन्चको अलोय ह्वील अप्सनको साथमा सिल्हुट पनि देख्न सकिन्छ । कारमा फ्लश डोर ह्यान्डलर, विन्डसिल्ड देखि रियर स्पोइलरसम्म ग्लास रुफ रहेको छ । यद्यपि परफर्मेन्स भेरिएन्टमा पिरेली पी जीरो परफर्मेन्स रबरको साथ २० इन्चको ठूलो अर्बनटर्बान ह्वील, परफर्मेन्स ब्रेक, कार्बन फाइबर रियर स्पोइलर, लोअर सस्पेन्सन र स्पोर्टी आल्मुनियम अलोय प्याडल समावेश रहेको छ ।

फिचर
टेस्ला मोडल ३ मा १५ इन्च टचस्क्रिन इन्फोटेनमेन्ट सिस्टम, १२ पावर एडजस्टेबल फ्रन्ट र रियर हिटेड सिट, १४ स्पिकर अडियो सिस्टम, एक सबवुफर र २ एम्प्स, यूभी र इन्फ्रारेड प्रोटेक्सन, पावर फोल्डिङ, अटो डिमिङ र हिटेड साइड मिरर, ४ यूएसबी–सी पोर्ट र २ वायरलेस चार्जिङ पोर्टको साथमा टिन्टेड ग्लासरुफ जस्ता फिचर रहेको छ ।

अटो पाइलट
अटो पाइलट टेस्ला कार आफ्नो लेनमा अटोमेटिक रुपमा चल्छ । तीव्र गतिमा कार चलाउन र ब्रेक लगाउन सक्षम बनाउँछ । अटो पाइलट सिस्टम कार अल अटो ड्राइभिङ क्षमताको साथमा नेभिगेट गर्न अतिरिक्त रहेको छ । मोडल ३ उन्नत हार्डवेयरको साथमा स्ट्यान्डर्ड रुपमा पनि उपलब्ध रहेको छ । साथै सो कारलाई भविष्यमा अल अटो ड्राइभिङ क्षमताको लागि पनि तयार पारिएको छ ।

क्षमता
टेस्ला मोडल ३ तीन फरक फरक पावरट्रेन विकल्पको साथमा पेश गरिएको छ । जसमा स्ट्यान्डर्ड प्लस, लङ रेन्ज र परफर्मेन्स समावेश रहेको छ । स्ट्यान्डर्ड प्लस भेरिएन्टमा रियर ह्विल ड्राइभ कन्फिगरेसनको साथमा सिंगल इलेक्ट्रिक मोटर रहेको छ, जसमा ४२३ किलोमिटरको ड्राइभिङ रेन्ज प्रदान गर्ने दावी गरेको छ । सो भेरिएन्ट २२५ किलोमिटर प्रति घन्टाको टप स्पिडको साथमा ५.३ सेकेन्डमा ० देखि ९६ किलोमिटर प्रति घन्टाको स्पिड लिने क्षमता रहेको छ । मोडल ३ स्ट्यान्डर्ड प्लसको १ करोड ४५ लाख रुपैयाँ मूल्य पर्छ ।

लङ रेन्ज र परफर्मेन्स ट्रिम्समा अल ह्विल ड्राइभ सेटअपको साथमा ड्युअल इलेक्ट्रिक मोटर रहेको छ । लङ रेन्ज भेरिएन्ट अनुमानित ड्राइभिङ ५६८ किलोमिटर र ४.२ सेकेन्डमा ९६ किलोमिटर प्रति घन्टाको स्पिड लिन्छ । सो भेरिएन्टको टप स्पिड २३३ किलोमिटर प्रति घन्टा रहेको छ । रेन्ज टपिङ परफर्मेनस एडिसनमा सिंगल चार्जमा ५०७ किलोमिटरको ईपीए अनुमानित रेन्ज रहेको छ । जसको टप स्पिड २६१ किलोमिटर प्रति घन्टा रहेको छ ।

सो भेरिएन्ट ३.१ सेकेन्डमा ० देखि ९६ किलोमिटर प्रति घन्टको स्पिड लिने क्षमता रहेको छ । टेस्ला लगायत अन्य विद्युतीय गाडीहरुमा २० प्रतिशत डाउन पेमेन्तका साथ ८० प्रतिशत बैंकिङ फाइनान्सका साथ सबै विद्युतीय गाडीहरु उपलब्ध गरिरहेको छ ।