चोभारमा बस, ट्यांकर र मोटरसाइकल ठोक्किएर दुर्घटना, १० जना घाइते

काठमाडौँ–काठमाडौँको चोभारमा मंगलबार दिउँसो तीन वटा सवारी साधन एकापसमा ठोक्किएर भीषण दुर्घटना भएको छ । बा २ ख २७१९ नम्बरको बस, बा २ ख ७२०९ नम्बरको ट्यांकर र एक मोटरसाइकल आपसमा ठोक्किएका हुन् ।

दुर्घटनामा परि कुल १० जना घाइते भएका छन् । प्रहरी वृत्त कीर्तिपुरका अनुसार घाइतेमध्ये ९ जनाको नजिकैको स्थानीय स्वास्थ्य संस्थामा र १ जनाको कीर्तिपुर अस्पतालमा उपचार भइरहेको छ ।

उपचाररत सबै १० जना घाइतेहरूको अवस्था सामान्य रहेको प्रहरीले जनाएको छ । दुर्घटनाको थप विवरण र कारणबारे प्रहरीले अनुसन्धान गरिरहेको छ ।