टाटा मोटर्सले लन्च गर्यो सफारीको डार्क एडिसन, मूल्य ७२ हजार भारुसम्मले बढी

टाटा मोटर्सले आज भारतमा सफारीको डार्क एडिसन लन्च गरेको छ । यसअघिको रेगुलर सफारीमा डार्क थिम थप गरेर यो एसयुभी लन्च गरिएको हो । जसअनुसार यसको इन्टेरियर र एक्स्टेरियर दुबै पक्षमा डार्क थिम दिइएको छ ।

पावर ट्रेन लगायत अन्य फिचर्समा भने टाटा मोटर्सले कुनै परिबर्तन गरेको छैन । यसअघिको रेगुलर मोडलमा जडान गरिएको २.० लिटर टर्बो डिजेल इन्जिलाई निरन्तरता दिइएको यो एसयुभीको अधिकतम पवार समेत रेगुलर मोडल सरह नै रहेको छ । यो एसयुभीको पावर १७० एचपी नै कायम गरिएको हो ।

६ वटा भेरियन्टमा उपलब्ध यसको मूल्य भने रेगुलर सफारीको तुलनामा २० देखी ७२ हजार भारुसम्मले बृद्धि गरिएको छ । सबैभन्दा बढी मूल्य ६ सिट भएको एक्सजेड प्लसमा ७२ हजार र कम एक्सटी प्लस र एक्सटीए प्लसमा २० हजार भारुले बृद्धि गरिएको छ । यो एसयुभीको मूल्य १८ लाख ८५ हजार रुपैयाँदेखी २१ लाख ९४ हजार भारुसम्म निर्धारण गरिएको छ ।

यसको टप भेरियन्टमा भने वायरलेस एप्पल र एन्ड्रोइड कनेक्टीभिटी सहितको ८.८ इन्चको इन्फोटेन्मेन्ट सिस्टम, पहिलो र दोस्रो दुबै पंक्तिमा भेन्टिलेटेड सिट, वायरलेस चार्जर, जेविएल अडिओ सिस्टम, टाटा आइआरए कनेक्टेड कार टेक, ७.० इन्चको पार्ट डिजिटल इन्स्ट्रुमेन्ट क्लस्टर, एयर प्युरिफायर र पानारोमिक सनरुफ दिइएको छ ।

यो एसयुभीले भारतीय बजारमा महिन्द्रा एक्सयुभी ७००, एमजी हेक्टर प्लस र हुन्डाई अल्काजारसंग प्रतिस्पर्धा गर्ने बताइएको छ ।