महिन्द्रालाई उछिनेर दोस्रो स्थानमा उक्लियो टाटा मोटर्स

सेप्टेम्बर महिनामा बिक्रीको हिसाबले टाटा मोटर्स दोस्रो ठूलो कार निर्माता बनेको छ, जसले महिन्द्रालाई उछिनेको हो । वाहन दर्ता तथ्याङ्क अनुसार, सेप्टेम्बर २०२५ मा टाटाले ४० हजार ६८ युनिट कार बिक्री गरेर महिन्द्रालाई उछिनेको हो ।

महिन्द्राले ३७ हजार ४५१ युनिट बिक्री गर्दा पहिलो स्थानमा रहेको मारुति सुजुकीले १ लाख २२ हजार ७८५ युनिट कार बिक्री गरेको छ । टाटाको यस उपलब्धिमा नेक्सन एसयुभीको योगदान निकै ठूलो रहेको छ ।

जीएसटी दर कटौती पछि टाटा कारको बुकिङ दोब्बरले बृद्धि भएको कम्पनीको भनाई छ । सेप्टेम्वरमा टाटा नेक्सन मात्रै २२ हजार ५०० युनिट बिक्री भएको छ । जुन हालसम्मकै उच्च हो ।

सेप्टेम्बर २०२५ मा टाटा मोटर्सको घरेलु थोक बिक्री ५९ हजार ६६७ युनिट रह्यो, जुन अहिलेसम्मकै उच्च हो । टाटाको बिक्रीमा ईभीको हिस्सा २२ प्रतिशत हाराहारी रहेको जनाइएको छ । अघिल्लो वर्षको सोही अबधीको तुलनामा ईभीको बिक्री ९६ प्रतिशत बृद्धि भएर ९ हजार १९१ युनिट पुगेको हो ।