टाटा नेक्सन बन्यो एसयूभी सेग्मेन्टमा नम्बर १ बिक्री हुने कार, यस्तो छ सूची

एसयूभी कारको लोकप्रियता लगातार बढिरहेको छ । जसका कारण कार निर्माताहरूले बजारमा हरेक सेग्मेन्टका एसयूभी लन्च गर्नमा ध्यान केन्द्रित गरिरहेका छन् । बजारमा एसयूभीको बिक्री हरेक महिना बढिरहेको छ । डिसेम्बर २०२१ मा एसयूभी सेगमेन्टको बिक्रीमा धेरै परिवर्तन आएको छ, पुरा विवरण यस्तो छ ः

१. टाटा नेक्सन
डिसेम्बर २०२१ मा सबैभन्दा बढी बिक्री हुने एसयूभीको सूचीमा टाटा मोटर्सको कम्प्याक्ट एसयूभी टाटा नेक्सनले पहिलो स्थान हासिल गरेको छ । कम्पनीले डिसेम्बर २०२१ मा यस कारको १२ हजार ८९९ युनिट बिक्री गरेको छ, जबकि गत वर्षको डिसेम्बरमा सो कार ६ हजार ८३५ युनिट बिक्री भएको थियो । यो वर्ष यसको बिक्रीमा ८९ प्रतिशतले बढेको छ ।

२. हुन्डाई भेन्यु
हुन्डाई मोटरको कम्प्याक्ट एसयूभी हुन्डाई भेन्यूले सूचीमा दोस्रो स्थान हासिल गरेको छ । गत महिना यो कारको कुल १० हजार ३६० युनिट बिक्री भएको थियो भने गत वर्षको डिसेम्बरमा कम्पनीले १२ हजार ३१३ युनिट बिक्री गरेको थियो । यस वर्षको डिसेम्बरमा यसको बिक्रीमा १६ प्रतिशतले घटेको छ ।

३. मारुती सुजुकी भिटारा ब्रेजा
मारुती सुजुकीको कम्प्याक्ट एसयूभी मारुती सुजुकी भिटारा ब्रेजाले सूचीमा तेस्रो स्थान हासिल गरेको छ । डिसेम्बर २०२१ मा कम्पनीले यस कारको ९ हजार ५३१ युनिट बिक्री गरेको छ, जबकि गत वर्ष कम्पनीले यस कारको १२ हजार २५१ युनिट बिक्री गरेको थियो । यो वर्ष यसको बिक्रीमा २२ प्रतिशतले घटेको छ ।

४. टाटा पन्च
डिसेम्बर २०२१ मा एसयूभी सेगमेन्टमा टाटा मोटर्सको माइक्रो एसयूभी टाटा पन्चले निकै प्रभाव पारेको छ । यो माइक्रो एसयूभीले डिसेम्बरको एसयूभी बिक्री चार्टमा शीर्ष ४ मा स्थान बनाएको छ । गत महिना कम्पनीले टाटा पन्चका ८ हजार ८ युनिट बिक्री गरेको थियो ।

५. हुन्डाई क्रेटा
हुन्डाई क्रेटा डिसेम्बर २०२१ को एसयूभी सेगमेन्ट बिक्री चार्टमा टप ५ मा पर्न सफल भएको छ । गत महिना कम्पनीले यो कारको ७ हजार ६०९ युनिट बिक्री गरेको थियो भने गत वर्षको सोही महिनामा कम्पनीले १० हजार ५ सय ९२ युनिट कार बिक्री गरेको थियो । यो वर्ष यसको बिक्री २८ प्रतिशतले घटेको छ ।

६. महिन्द्रा एक्सयूभी३००
सूचीमा छैठौ स्थानमा महिन्द्रा एण्ड महिन्द्राको कम्प्याक्ट एसयूभी एक्सयूभी ३०० रहेको छ । कम्पनीले डिसेम्बर २०२१ मा यस कार ४ हजार २६० युनिट बिक्री गरेको छ भने गत वर्षको डिसेम्बर महिनामा कम्पनीले ३ हजार ९७४ युनिट बिक्री गरेको थियो । यो वर्ष यसको बिक्रीमा ७ प्रतिशतले बढेको छ ।

७. किया सेल्टोस
सूचीमा सातौं स्थानमा किया इन्डियाको किया सेल्टोस रहेको छ । कम्पनीले गत महिना कुल ४ हजार १२ युनिट कार बिक्री गरेको थियो भने अघिल्लो वर्षको सोही महिनामा कम्पनीले ५ हजार ६०८ युनिट कार बिक्री गरेको थियो । यो वर्ष सो कारको बिक्रीमा २८ प्रतिशतले घटेको छ ।

८. महिन्द्रा एक्सयूभी७००
महिन्द्रा एण्ड महिन्द्राको पछिल्लो एसयूभी महिन्द्रा एक्सयूभी७०० ले सूचीमा फेरबदल गरेको छ । महिन्द्रा एक्सयूभी७०० उत्कृष्ट १० एसयूभीको बिक्री सूचीमा आठौं स्थानमा छ । कम्पनीले डिसेम्बर २०२१ मा यस कारका कुल ३ हजार ९८० युनिट बिक्री गरेको छ ।