टाटा नेक्सन ईभीमा अव लेभल२ एडास फिचर पनि उपलब्ध हुने

टाटाको पहिलो विद्युतीय मोडल नेक्सन झनै सुरक्षित बनेर आउने भएको छ । मिडिया रिपोर्टका अनुसार टाटा मोटर्सले यस ईभीमा लेभल२ एडास फिचर थप गर्न लागेको हो ।

नयाँ सुबिधा नेक्सनको टप स्पेक भेरिएन्टमा मात्रै उपलब्ध हुने जनाइएको छ । यद्यपि यस विषयमा कम्पनीबाट कुनै औपचारिक जानकारी भने बाहिर आइसकेको छैन ।

नयाँ फिचर थप भएसँगै नेक्सन ईभी एडास सुइट प्राप्त गर्ने भारतको पहिलो सव फोर मिटर इलेक्ट्रिक एसयूभी हुनेछ । यसमा एडप्टिभ क्रुज कन्ट्रोल, लेन डिपार्चर वार्निङ, लेन–किप असिस्ट, फ्रन्ट कोलिजन वार्निङ, अटोमेटिक इमर्जेन्सी ब्रेकिङ, अटो हाई बीम असिस्ट, ट्राफिक साइन रिकग्निसन, रियर क्रस ट्राफिक तथा कोलिजन वार्निङ र चालकको निद्रा सेन्सर जस्ता सुरक्षा सुविधाहरू समावेश हुनेछन् ।

लेभल२ एडास सुइट एम्पावर्ड प्लस ए भेरिएन्टमा प्रस्ताव गर्ने अपेक्षा गरिएको छ, जुुन ४५ किलोवाट आवर क्षमताको ब्याट्री प्याकले सुसज्जित छ । यस ईभीलाई एकपटक फुल चार्ज गर्दा ४८९ किलोमिटर रेन्ज दिने दाबी गरिएको छ ।