टाटा नेक्सन ईभीको लङ रेन्ज भर्सन हुनेछ नेक्सन ईभी म्याक्स, टिजर सार्वजनिक

टाटा मोटर्सले आफ्नो लोकप्रिय इलेक्ट्रिक एसयूभी नेक्सनको लङ रेन्ज भर्सनलाई नेक्सन ईभी म्याक्स नाम दिने भएको छ । आगामी मे ११ मा लन्च गर्ने तयारी भइरहेको नेक्सन ईभी म्याक्सको टिजर सार्वजनिक भएको छ । कम्पनीले हालको नेक्सन ईभीका साथै आगामी दिनमा नेक्सन ईभी म्याक्स समेत बिक्री गर्नेछ ।

नेक्सन ईभी म्याक्समा ४० केडब्ल्युएच क्षमताको ब्याट्री जडान गर्ने सम्भावना छ जसले एक पटक चार्जमा ४०० किमीको रेन्ज प्रदान गर्न सक्षम हुनेछ । हालको भर्सनमा ३०.२ केडब्ल्युएच ब्याट्री जडान गरिएको छ, जसले सिंगल चार्जमा ३१२ किमीको रेन्ज प्रदान गर्छ । नयाँ ईभी म्याक्सको मूल्य हालको मोडल भन्दा धेरै हुने अपेक्षा गरिएको छ ।

नेक्सन ईभी म्याक्सलाई भारतमा धेरै पटक परीक्षण गर्दा देखिएको छ । यसमा केही नयाँ फिचरको साथै कस्मेटिक अपडेट पनि गर्नेछ । सो एसयूभीमा विभिन्न मोड हुनेछ, जसले चालकलाई पुनः उत्पन्न ब्रेकिङको तीव्रता डायल–अप÷डाउन गर्न सहज बनाउनेछ । नयाँ फिचरमा क्रुज कन्ट्रोल, भेन्टिलेटेड सिट र इलेक्ट्रोनिक स्टेबिलिटी कन्ट्रोल आदि समावेश हुनेछ ।

टाटाले नेक्सन ईभी म्याक्स मात्र होइन, नयाँ टिगोर ईभीको लङ रेन्ज भेरिएन्ट पनि लन्च गर्ने योजना बनाएको छ, जबकि अल्ट्रोज ईभी र पन्च ईभी पनि पाइपलाइनमा रहेको छ । कम्पनीले हालै कर्भ र अभिन्या इलेक्ट्रिकको अवधारणा पनि खुलासा गरेको छ, जसको आधारमा आगामी २–३ वर्षमा इलेक्ट्रिक कार लन्च हुनेछ ।