टाटा मोटर्सले उत्पादन ग-यो ५० हजार इलेक्ट्रिक कार

टाटा मोटर्स इलेक्ट्रिक सवारी साधनको निर्माणमा तीव्रता दिन प्रयासरत छ । टाटा मोटर्सले हालसम्म ५० हजार युनिट इलेक्ट्रिक सवारी साधन उत्पादन गरिसकेको छ ।

कम्पनीले ५ वर्षमा १० ईभी लन्च गर्ने योजना बनाएको छ र कम्पनीले भविष्यका इलेक्ट्रिक सवारी साधनको लागि तीन चरणको आर्किटेक्चरमा ध्यान केन्द्रित गरिरहेको छ ।

कम्पनीले आफ्ना ग्राहकहरूको ईभी क्षेत्रमा आवश्यकता पूरा गर्न मल्टि मोड रिजन र मल्टी ड्राइभ मोड जस्ता फिचर ल्याएको छ । टाटाका सबै इलेक्ट्रिक कारमा हाई भोल्टेज जिप्ट्रोन आर्किटेक्चर उपलब्ध छ ।

टाटा मोटर्सले आफ्ना विद्यमान ईभी ग्राहकहरूलाई कम्पनीका सबै इलेक्ट्रिक कारका सफ्टवेयर अपडेटहरू पनि उपलब्ध गराएको छ । साथै, ग्राहकहरुका लागि ईभीको पहुँच सजिलो बनाउन टाटा मोटर्सले ८० वटा नयाँ शहरहरुमा प्रवेश गरेको छ र १६५ भन्दा बढी शहरहरुमा आफ्नो नेटवर्क विस्तार गरेको छ ।

भारतमा टाटा मोटर्सको आफ्ना सबै सवारी साधनको मूल्य ०.९ प्रतिशतले बढाएको छ । उत्पादन लागत बढेका कारण कारको मूल्य बढाउनु परेको कम्पनीको भनाइ छ । यसअघि पनि कम्पनीले जुलाईमा नेक्सन ईभी र नेक्सन ईभी म्याक्सको मूल्यमा ०.५५ प्रतिशतले बढाएको थियो ।

तर पनि टाटा मोटर्सका इलेक्ट्रिक कारको माग बढ्दो छ । नेपालमा पनि ग्राहकको माग बमोजिमको संख्यामा टाटाका इलेक्ट्रिक कार उपलब्ध हुन सकेका छैनन् ।