डिसेम्बरमा टाटा मोटर्स उक्लियो दोस्रो स्थानमा (शीर्ष १० कम्पनीको सूची र बिक्री संख्या)

डिसेम्बर २०२१ को अन्त्यसँगै भारतीय बजारमा कार निर्माताहरूले आफ्नो बिक्रीको तथ्याङ्क सार्वजनिक गरेका छन् । मारुती सुजुकी बिक्री चार्टमा शीर्ष स्थानमा रहेको छ, तर यो डिसेम्बर २०२१ मा दोस्रो र तेस्रो स्थानमा फेरबदल भएको छ । डिसेम्बर २०२१ का शीर्ष १० कार ब्रान्डहरूको यस्तो छ ः

१. मारुती सुजुकी
डिसेम्बर २०२१ मा मारुती सुजुकी इन्डियाले यो सूचीमा पहिलो स्थान कायम राखेको छ । डिसेम्बर २०२१ मा, मारुतीले १ लाख २३ हजार १६ युनिट कार बिक्री गरेको छ । गत वर्षको सोही महिनामा, कम्पनीले १ लाख ४० हजार ७५४ युनिट कार बिक्री गरेको थियो । यो वर्ष मारुती सुजुकीको बिक्रीमा १२.६० प्रतिशतले घटेको छ ।

२. टाटा मोटर्स
डिसेम्बर २०२१ मा बिक्री चार्टमा टाटा मोटर्स दोस्रो स्थानमा छ । टाटा मोटर्सले यो महिना हुन्डाई इन्डियालाई पछि पार्दै दोस्रो स्थान हासिल गरेको छ । कम्पनीले यो महिना ३५ हजार २९९ कार बिक्री गरेको छ, जुन अघिल्लो वर्षको डिसेम्बरमा २३ हजार ५४५ युनिट थियो । यो वर्ष टाटा मोटर्सको बिक्री ४९.९२ प्रतिशतले बढेको छ ।

३. हुन्डाई मोटर
लामो समयपछि हुन्डाई मोटर इन्डियाले दोस्रो स्थानको ताज खोसिएको छ । हुन्डाईले डिसेम्बर २०२१ को बिक्री चार्टमा तेस्रो स्थान हासिल गरेको छ । गत महिना कम्पनीले ३२ हजार ३१२ कार बिक्री गरेको थियो भने गत वर्षको सोही महिनामा कम्पनीले ४७ हजार ४ सय कार बिक्री गरेको थियो । यो वर्ष कारको बिक्रीमा ३१.८३ प्रतिशतले घटेको छ ।

४. महिन्द्रा एण्ड महिन्द्रा
महिन्द्रा एण्ड महिन्द्राले यो सूचीमा चौथो स्थान हासिल गरेको छ । महिन्द्राले गत महिना १७ हजार ७२२ युनिट कार बिक्री गरेको छ भने गत वर्षको डिसेम्बरमा १६ हजार १८२ युनिट कार बिक्री गरेको थियो । यो वर्ष कम्पनीको बिक्रीमा ९.५२ प्रतिशतले बढेको छ ।

५. टोयोटा किर्लोस्कर मोटर
शीर्ष ५ को सूचीमा जापानी कार निर्माता कम्पनी टोयोटा किर्लोस्करले स्थान बनाएको छ । डिसेम्बर २०२१ मा कम्पनीले १० हजार ८३२ युनिट कार बिक्री गरेको छ भने गत वर्ष सोही महिनामा कम्पनीले ७ हजार ४८७ युनिट कार बिक्री गरेको थियो । कम्पनीको बिक्रीमा ४४.६८ प्रतिशतले वृद्धि भएको छ ।

६. होन्डा कार
यो सूचीमा होन्डा कार इन्डिया छैटौं स्थानमा परेको छ । सन् २०२१ को डिसेम्बरमा कम्पनीले ७ हजार ९७३ युनिट कार बिक्री गरेको छ भने गत वर्ष सोही महिनामा कम्पनीले ८ हजार ६३८ युनिट कार बिक्री गरेको थियो । यो वर्ष कम्पनीको बिक्री ७.७० प्रतिशतले घटेको छ ।

७. किया
दक्षिण कोरियाली कार निर्माता कम्पनी किया इन्डिया सूचीमा सातौं स्थानमा परेको छ । सन् २०२१ को डिसेम्बरमा कम्पनीले ७ हजार ७ सय ९७ युनिट कार बिक्री गरेको छ भने गत वर्षको डिसेम्बरमा ११ हजार ८ सय १८ युनिट कार बिक्री गरेको थियो । यो वर्ष कम्पनीको बिक्रीमा ३४.०२ प्रतिशतले कमी आएको छ ।

८. रेनो
रेनो इन्डियाले यो सूचीमा आठौं स्थान हासिल गरेको छ । गत महिना कम्पनीले ६ हजार १३० युनिट कार बिक्री गरेको छ भने गत वर्षको सोही महिनामा कम्पनीले ९ हजार ८ सय कार बिक्री गरेको थियो । यो वर्ष कम्पनीको बिक्रीमा ३७.४५ प्रतिशतले घटेको छ ।

९. फक्सवागन
फक्सवागन इन्डिया यो सूचीमा नवौं स्थानमा छ । गत महिना कम्पनीले ३ हजार ७ सय युनिट कार बिक्री गरेको छ भने गत वर्षको डिसेम्बरमा कम्पनीले २ हजार ४ सय १ युनिट कार बिक्री गरेको थियो । यो वर्ष कम्पनीको बिक्रीमा ५४.१० प्रतिशतले बढेको छ ।

१०. स्कोडा
स्कोडा अटो इन्डिया शीर्ष १० को सूचीमा अन्तिम स्थानमा रहेको छ । डिसेम्बर २०२१ मा कम्पनीले ३ हजार २ सय ३४ युनिट कार बिक्री गरेको छ भने गत वर्षको डिसेम्बर महिनामा कम्पनीले १ हजार ३०३ युनिट कार बिक्री गरेको थियो । यो वर्ष कम्पनीको बिक्री १४८.२० प्रतिशतले बढेको छ ।