पुराना गाडीसँग टाटा टियागो ईभी र पन्च इभी साट्न सकिने, ‘एक्सचेन्ज १२ः१२ क्याम्प’ हुँदै

काठमाडौं–टाटा मोटर्सको नेपालका लागि अधिकारिक वितरक, सिप्रदी ट्रेडिङले १२ः१२ एक्सचेन्ज क्याम्प आयोजना गर्ने भएको छ । सिप्रदी ट्रेडिङका अनुसार, भोलि(बिहीवार) बाट ३ दिनसम्म आयोजना हुने यस कार्यक्रममा जुनसुकै ब्राण्डका पुराना गाडीहरुलाई डाउनपेमेन्ट राखेर टाटा टियागो इभी र पन्च इभी लगायतका गाडीहरु साट्न सकिनेछ ।

एक्सचेन्ज क्याम्प डिसेम्बर १२, १३ र १४ का दिन टाटा मोटर्सको देशैभरी रहेका शोरुमहरुमा आयोजना हुने बताइएको छ । मेलामा सहभागी भएर ग्राहकहरुले टियागो इभी र पन्च इभीमा आकर्षक डिलहरु पाउन सक्ने कम्पनी भनाई छ ।

कार्यक्रममा गाडी किन्ने ग्राहकले आकर्षक एक्सचेन्ज बोनस, सिप्रदीको चार्जिङ्ग नेटवर्कमा लाइफ टाइम निःशुल्क चार्जिङ्ग, १ वर्षको सवारी कर, एक्सेसरिज र बम्पर लक्की ड्रमा आइफोन १६ प्रो प्राप्त गर्नेछन् । टाटा मोटर्सको नयाँ तथा अत्याधुनिक डिजाइनका उत्पादनहरु अवलोकन तथा टेष्ट ड्राइभ समेत गर्न पाइनेछ ।