आजदेखी टाटा कारको ‘केयर क्याम्प’ शुरु, यी स्थानमा गराउन सकिन्छ छुटसहित सर्भिसिङ

टाटा प्यासेन्जर कारको केयर क्याम्प आजदेखी शुरु भएको छ । ३ दिनसम्म जारी रहने उक्त क्याम्पमा टाटा प्यासेन्जर कारको सर्भिसिङमा छुटदेखी निशुल्क चेकअपको समेत ब्यवस्था मिलाइएको छ । उपत्यका भित्र संचालनमा रहेका ३ वटा सर्भिस सेन्टरमा उक्त क्याम्प शुरु भएको आधिकारिक बितरक सिप्रद्धी ट्रेडिङ स्रोतले बताएको छ ।

उपत्यकाको सोल्टीमोड, बालकुमारी र बागडोलमा रहेको कम्पनीको आफ्नै सर्भिस सेन्टरमा सर्भिसिङ गराउँदा स्पेयर पार्टस्, लुब्रिकेन्ट्स र एसेसोरिजमा १५ प्रतिशत छुट तथा लेबर चार्जमा ५० प्रतिशत छुट उपलब्ध हुनेछ । क्याम्पमा आउने गाडीको ब्याट्री र इलेक्ट्रिकल चेकअप सहित अन्य १० वटा प्वाइन्ट निशुल्क चेकजाँच गरिने बताइएको छ । साथै गाडीको वासिङ गराउँदा समेत कुनै शुल्क भुक्तानी गर्नुपर्ने छैन ।

नेपाली अटो बजारमा पछिल्लो समय टाटा प्यासेन्जर कारको खपत बढ्दै गएको छ । खपत बढेसंगै ग्राहक संख्यामा समेत बृद्धि भएको र आफ्ना ग्राहकलाई सुबिध उपलब्ध गराउन कम्पनीले यस्तो क्याम्प आयोजना गरेको हो । हाल बजारमा टाटाको नेक्सन, अल्ट्रोज, टिगोर, एच फाइभ, सफारी र नेक्सन इभी लगायत मोडल उपलब्ध रहँदै आएका छन् ।