टाटाका ५ ईभी कन्सेप्ट : उत्पादन कहिले ?

कार निर्माताले आफ्ना लेटेस्ट टेक्नोलोजी र नयाँ मोडलहरू सार्वजनिक गर्नुभन्दा अघि ग्राहकलाई देखाउन कन्सेप्ट भेइकल सार्वजनिक गर्छन् । अधिकांश कार निर्माताले इलेक्ट्रिक कारको अवधारणा ल्याइरहेका छन् । टाटा मोटर्सले हालसालै उत्पादनका लागि पुष्टि भएका २ नयाँ ईभी कन्सेप्ट कार प्रदर्शन गरेको छ ।

टाटा मोटर्सका आगामी मोडल जेन२ र जेन३ ईभी आर्किटेक्चर प्लेटफर्ममा आधारित हुनेछ । सो प्लेटफर्ममा आधारित कारको फिचर निकै उत्कृष्ट हुनेछ । टाटा मोटर्सका नयाँ ५ इलेक्ट्रिक कन्सेप्ट कारको बारेमा केही चर्चा गरौं ।

१. टाटा अल्ट्रोज ईभी
टाटा अल्ट्रोज ह्याचब्याक कन्सेप्ट कार कम्पनीले सन् २०१९ मा पेश गरेको थियो र त्यसपछि सन् २०२० मा प्रोडक्सन युनिटको रुपमा पेश गरेको थियो । यसको इन्जिन मोडल नेक्सन ईभीमा जस्तै इलेक्ट्रिफाइड भर्सन हो र यो जेन१ प्लेटफर्ममा आधारित हुनेछ ।

२. टाटा कर्भ कन्सेप्ट
टाटा कर्भ इलेक्ट्रिक एसयूभीको सबैभन्दा विशिष्ट डिजाइन कुपे रूफलाइन हो । यद्यपि यो जेन२ आर्किटेक्चरमा आधारित हुनेछ । यो ईभी फोकस्ड प्लेटफर्ममा आधारित टाटाको पहिलो मोडल हुनेछ, जसले ५०० किलोमिटरसम्मको रेन्ज प्रदान गर्न सक्नेछ ।

३. टाटा अभिन्या कन्सेप्ट
टाटा मोटर्सको सबैभन्दा नयाँ र प्रिमियम ईभी कन्सेप्ट कार टाटा अभिन्या हो । यो जेन३ प्लेटफर्ममा आधारित छ । टाटा अभिन्याले विश्वव्यापी इलेक्ट्रिक सवारीका लागि टाटा मोटर्सको महत्वाकांक्षालाई प्रतिनिधित्व गर्नेछ । जसमा अधिकतम इन्टेरियर स्पेस उपलब्ध गराउनमा केन्द्रित हुनेछ ।

४. टाटा सिएरा कन्सेप्ट
टाटा मोटर्सको अर्को कन्सेप्ट कार टाटा सिएरा इलेक्ट्रिक एसयूभी थियो, जुन २०२० अटो एक्सपोमा प्रदर्शन गरिएको थियो । यसको लम्बाई ४.१ मिटर छ र अल्फा आर्किटेक्चरमा प्रदर्शित तेस्रो मोडल हो । सो कारले ४०० किमी सम्मको रेन्ज दिने दावी गरिएको थियो ।

५. टाटा ई–भिजन कन्सेप्ट
यो सूचीको सबैभन्दा पुरानो कन्सेप्ट कार टाटा ई–भिजन मोडल हो । टाटा ई–भिजन कन्सेप्ट सन् २०१८ जेनेभा मोटर शोमा प्रदर्शन गरिएको थियो । यसको प्रिमियम स्टाइलिङले धेरैलाई प्रभावित बनाइएको थियो ।