नयाँ लुक र फिचरसहित स्विफ्ट २०२३ आउँदै

मारुती सुजुकी स्विफ्ट लोकप्रिय कार मध्ये एक हो । कम्पनीले सो लोकप्रिय ह्याचब्याकलाई नयाँ लुकमा पेश गर्ने भएको छ । युरोपमा नयाँ स्विफ्टको परीक्षण सुरु भएको छ । सो कारको सन् २०२३ मा लन्च हुने सम्भावना छ ।

स्विफ्टको नयाँ मोडल थप स्पोर्टी डिजाइनको साथ आउने भएको छ । यसको दुबै साइडमा नयाँ एलईडी हेडल्याम्प र पुनः डिजाइन गरिएको फ्रन्ट बम्परको साथमा नयाँ ट्रापेजोइडल फ्रन्ट ग्रिल हुने अपेक्षा गरिएको छ ।

नयाँ स्विफ्टको साइड प्रोफाइल पनि फरक हुनेछ र नयाँ ड्युअल–टोन अलोय ह्विल र ब्ल्याक–आउट पिलर हुनेछ । कारको रियर स्पोर्टी थिमको हुनेछ । यसमा मुख्य स्पोइलर, नयाँ एलईडी लाइट र अन्य साना परिवर्तनहरू गरिनेछ ।

नयाँ स्विफ्ट ह्याचब्याकमा नयाँ इन्फोटेनमेन्ट सिस्टम, अटोमेटिक क्लाइमेट कन्ट्रोल, स्मार्टप्ले प्रो इन्फोटेनमेन्ट सिस्टम, अटो डिमिङ आईआरभीएम, पुश बटन स्टार्ट र कनेक्टेड कार टेक जस्ता फिचर हुनेछ ।

भारतमा नयाँ स्विफ्ट १.२ लिटर के१२ माइल्ड–हाइब्रिड पेट्रोल इन्जिनमा लन्च गरिने छ । भविष्यमा यही मोडल नेपाल आउन सक्छ । जसमा ५ स्पिड म्यानुअल वा एएमटी गियरबक्स प्रदान गरिनेछ । साथै यसलाई सीएनजी भेरिएन्टमा पनि लन्च गर्ने सम्भावना छ । कम्पनीले यसको लागि हार्टेक्ट प्लेटफर्म प्रयोग गर्नेछ ।