अटो शोमा नयाँ स्विफ्ट सार्बजनिक हुने, यस्ता छन् विशेषता

काठमाडौं–सुजुकी गाडीको नेपालका लागि आधिकारिक वितरक सीजी मोटो कर्पले नाडा अटो शो २०८१ मा एपिक न्यू स्विफ्ट सार्वजनिक गर्ने तयारी गरेको छ । सीजी मोटो कर्पका अनुसार, नयाँ स्विफ्ट पहिलो दिनदेखि नै प्रदर्शनीमा राखिनेछ भने मूल्य समेत सोहि समयमा सार्बजनिक गरिनेछ ।

२००५ सालमा लन्च भएदेखि नै स्विफ्ट नेपाली अटोमोबाइल क्षेत्रमा स्टाइल र स्पोर्टीनेसको पर्यायबाचिको रुपमा रहदै आएको छ । स्विफ्टलाई नेपाली ग्राहकहरूले यसको स्पोर्टी लुक्स, शक्तिशाली इन्जिन, प्रशस्त क्याबिन स्पेस र ड्राइभर–मैत्री ह्यान्डलिङका कारण रुचाएका छन् ।

नयाँ जेड–सिरिज इन्जिन जडान गरिएको स्विफ्टले पर्फमेन्स र सस्टेनविलिटीको नयाँ आयाम ल्याउने कम्पनी भनाई छ । कम्पनीका अनुसार एपिक नयाँ स्विफ्टमा थुप्रै नविनतम फिचरहरु समाबेश गरिएकाले यसकोे ड्राइभिङ अनुभव आरामदायी र रमाइलो हुनेछ ।

नयाँ स्विफ्टमा आकर्षक एक्सटेरियर, आरामदायी क्याविन, आधुनिक सेफ्टी सिस्टम, रमाइलो ड्राइभिङ अनुभव र उन्नत प्रविधि जस्ता पाँच नयाँ विशेषता पाउन सकिन्छ । कारको क्याबिनमा ‘सेन्टर फ्लोटिङ डिजाईन’ सहितको नयाँ लेआउट राखिएको छ जसले प्रिमियम फिल र आरामदायी ड्राइभिङ अनुभव प्रधान गर्नेछ । स्विफ्टको सिग्नेचर सिल्हाउटलाई कायम राख्दै नयाँ स्विफ्टमा एलईडी प्रोजेक्टर हेडलाइटहरू र बुमराङ एलईडी डीआरएल, कालो फ्रन्ट ग्रिल, एलईडी फ्रन्ट फग लाइट, सिगनेचर एलईडी रियर ल्याम्प र ३८.१० सेन्टिमिटर (१५ इन्च) टू–टोन एलोय व्हिल्स लगायत फिचर पाउन सकिन्छ ।

कारमा नयाँ जेनेरेसनको वायरलेस एप्पल कारप्ले र एन्ड्रोइड अटो सहितको ९ इन्चको स्मार्ट प्ले प्रो प्लस इन्फोटेन्मेन्ट सिस्टम, पछाडिको सीट यात्रुका लागि छिटो चार्ज गर्ने ए र सी टाइप यूएसवी पोर्ट पछाडि एसी भेन्ट्स, क्रूज कन्ट्रोल र कीलेस इन्ट्री लगायत फिचरले सबै यात्रुका लागि सहजता र सुविधा सुनिश्चित गर्छ ।

ड्राइभर र यात्रुको सुरक्षालाई बिशेष ध्यानमा राखी न्यू स्विफ्टमा विभिन्न एक्टिभ र प्यासिभ सेफ्टि फिचर दिइएको छ । कारमा ६ वटा एयरब्याग, इलेक्ट्रोनिक स्टेबिलिटी प्रोग्राम, हिल होल्ड असिस्ट, एण्टी–लक ब्रेकिंग सिस्टम, इलेक्ट्रोनिक ब्रेकफोर्स डिस्ट्रीब्युसन तथा ब्रेक असिस्ट र थ्री प्वाइन्ट सीट बेल्टको को साथै वाइड भ्यू सहितको रिभर्स क्यामेरा पनि समावेश गरिएको छ ।

सुजुकीले स्विफ्टमा पहिलो पटक आफ्नो नयाँ जेड–सिरिज इन्जिनको प्रयोग गरेको छ । यो अत्याधुनिक इन्जिन पावरफूल मात्र नभई यसले सेग्मेन्टमा सबैभन्दा धेरै २५.७५ कि.मि सम्मको माइलेज प्रदान गर्नेछ ।

स्टाइलिस लुक, आधुनिक फिचर, पावरफूल इन्जिन, उत्कृष्ट माइलेज र सुरक्षा सुविधा जस्ता विशेषताका कारण यसले ह्याचब्याकको परिभाषा बदल्ने विश्वास कम्पनीले लिएको छ ।