२०७७ चैत ३० सोमबार,

सुजुकी स्विफ्ट फेसलिफ्ट बैशाख महिनामै नेपाल आउने

Post adv

काठमाडौं – करिव डेढ महिना पहिले भारतीय बजारमा लन्च भएको सुजुकीको प्रतिष्ठित कार स्विफ्ट फेसलिफ्ट नेपाली बजारमा समेत आउने भएको छ । यही बैशाख महिना भित्रै सो कार नेपाली बजारमा आउने सुजकीको आधिकारिक वितरक सीजी मोटोकर्प स्रोतले बताएको छ ।

नयाँ वर्ष २०७८ को पहिलो उपहारको रुपमा सुजुकी स्विफ्ट फेसलिफ्ट नेपालमा आउने छ । सुजुकी स्विफ्टको यो थर्ड जेनेरेसन मोडल हो । यसको मूल्य भने त्यतिबेलै निर्धारण हुनेछ ।

पहिलेको मोडल भन्दा सो फेसलिफ्ट मोडलमा कम्पनीले स्टाइल, फिचर र इन्जिनमा केही परिवर्तन गरेको छ ।

नयाँ स्विफ्टमा सबैभन्दा ठूलो परिवर्तन इन्जिनमा गरिएको छ । कम्पनीले पुरनो ८३ हर्स पावर भएको १.२ लिटरको इन्जिनलाई नयाँ ९० हर्स पावर भएको १.२ लिटर डुअलजेट पेट्रोल इन्जिनले रिप्लेस गरेको छ । यद्यपि यसमा टर्क पहिला जस्तो समान ११३ एनएमको रहेको छ । सो कारमा ५ स्पिड म्यानुअल र ५ स्पिड एएमटी गियरबक्सको साथमा समावेश गरिएको छ ।

नयाँ इन्जिन आइडल स्टार्ट स्टप टेक्नोलोजीको साथमा उपलब्ध रहेको छ । कम्पनीले सो कारले म्यानुअल गियरबक्सको साथमा २३.२० किलोमिटर प्रतिलिटर र अटोमेटिक गियरबक्समा २३.७६ किलोमिटर प्रतिलिटरको माइलेज दिने दावी गरेको छ ।

Advertise Eleven Advertise Ten Advertise Nine

मारुती स्विफ्ट फेसलिफ्टमा कस्मेटिक परिवर्तन गरिएको छ । यसको अगाडि क्रस मेस ग्रिल रहेको छ । जसमा क्रोम एक्सेन्ट पनि समावेश गरिएको छ । साथै पछाडि तर्फ पुरानो मोडलको तुलनामा सामान्य परिवर्तन गरिएको छ । सो कारको टप स्पेक स्विफ्टमा तीन डुअल टोनको विकल्प पनि रहेको छ ।

इ्न्टेरियरको कुरा गर्ने हो भने सो नयाँ मोडलको सिटमा नयाँ डिजाइन रहेको छ । २०२१ स्विफ्ट भीएक्सआईमा नयाँ अडियो हेड युनिट उपलब्ध रहेको छ र यो भोल्युम र ट्रयाक चेन्जको लागि फेदर टच कन्ट्रोलको साथमा उपलब्ध रहेको छ । सो कारमा पहिला जस्तो यूएसबी र एयूएक्स कनेक्टिभिटी उपलब्ध रहेको छ ।

फुल्ली लोडेल मोडलमा क्रुज कन्ट्रोल, कलर एमआईडी र अटो फोल्डिङ ओआरभीएमको साथमा उपलब्ध रहेको छ । यसको साथै किटको अधिकांश हिस्सा पुरानो मोडलबाट लिइएको छ । जसमा फुल्ली लोडेड मोडलमा एलईडी हेडल्याम्प, ७.० इन्च टचस्क्रिन, किलेस इन्ट्रि र गो, अटो क्लाइमेट कन्ट्रोल, रियर भ्यू क्यामेरा सहित अन्य फिचर रहेको छ । सो कारको सिस्टममा स्मार्टप्ले स्टुडियो सिस्टम छ र मोबाइल एपको माध्यमले लाइभ ट्राफिक अपडेट पनि प्रदान गर्छ ।

Post adv

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...