टाटा पन्च ईभीसँग प्रतिस्पर्धा गर्न मारुतीले सानो एसयूभी तयारी गर्दै, ३०० किमीे ड्राइभिङ रेन्ज दिने

मारुतीले सानो इलेक्ट्रिक एसयूभीमा काम गरिरहेको छ । सो कारको कोडनेम मारुती सुजुकी वाईवाई८ राखिएको छ । स्रोतका अनुसार यसको मूल्य १० लाख भारु भन्दा कम हुन सक्छ, जसको रेन्ज २ सयदेखि ३ सय किलोमिटरसम्मको हुने अनुमान गरिएको छ ।

अटो ब्लग वेबसाइटका अनुसार यो कारले जीरो एमिशनमा काम गर्नेछ । यसको डिजाइन एसयूभी जस्तो हुनेछ । सो कार टाटा पन्चको इलेक्ट्रिक कारसँग प्रतिस्पर्धा गर्नेछ ।

मारुती सुजुकीको सो नयाँ एसयूभी वाईवाई८ इलेक्ट्रिक पावर ट्रेनको साथ आउन सक्छ । मारुतीको सो एसयूभी ताइवानको टोयोटा बीईभी जस्तो देखिनेछ । मारुतीको यो कार ५ सिटरको हुनेछ । सो कार उत्पादन गुजरातमा रहेको प्लान्टमा हुने सम्भावना रहेको छ ।

कम्पनीले यो इलेक्ट्रिक कार वार्षिक १ लाख ५ हजार युनिट उत्पादन गर्ने योजना बनाएको छ । यो कार २०२४ मा लन्च गर्ने लक्ष्य राखिएको छ ।