३१ दिनमा १ लाख १६ हजार बाइक बिक्री गरी सुजुकीले बनायाे नयाँ रेकर्ड

सुजुकी मोटर कर्पोरेशनले जुलाई २०२४ मा मासिक बिक्रीको लागि नयाँ रेकर्ड कायम गरेको छ । कम्पनीले कूल १ लाख १६ हजार ७१४ युनिट बिक्री गरेको छ, जुन सन् २०२३ को जुलाईमा बिक्री भएको युनिटको तुलनामा वार्षिक ८ प्रतिशतले वृद्धि भएको छ ।

घरेलु बजारमा नयाँ उचाइ सेट गर्दै सुजुकी मोटरसाइकल इण्डिया प्राइभेट लिमिटेडले पहिलो पटक १ लाख युनिटको अङ्‍क पार गरेको छ । कम्पनीले जुलाई २०२४ मा १ लाख ६०२ युनिट बिक्री गरेको थियो । सोही महिना कम्पनीले १६ हजार ११२ युनिट निर्यात गरेको थियो । यो बिक्री कम्पनीले गत वर्षको बिक्री भन्दा २५ प्रतिशत बढि हो ।  

बिक्री उपलब्धिको बारेमा कुरा गर्दै कम्पनीका प्रबन्ध निर्देशक केनिची उमेदाले जुलाई २०२४ मा १ लाख १६ हजारभन्दा बढी स्कुटर र मोटरसाइकलको अहिलेसम्मकै उच्च बिक्री रेकर्ड गरेको बताए । घरेलु बजारमा हाम्रा उत्पादनको माग राम्रो भएकाले महिनामा २५ प्रतिशतले बिक्री बढेको उनले बताए ।

जुलाई २०२४ मा कम्पनीले फेस्टिभ सिजनको लागि सुजुकी एक्सेस १२५ र सुजुकी बर्गम्यान स्ट्रिटलाई विशेष उत्सव रङमा प्रस्तुत गरेको छ। साथै कम्पनीले २०२४ सुजुकी एभेनिस ४ वटा नयाँ रङ, बोल्ड र फ्युचरिस्टिक ग्राफिक्स सहित लन्च गरेको छ ।