नयाँ एडिसनमा आयो जिम्नी

मारुती सुजुकीले आफ्नो लोकप्रिय अफरोड एसयुभी जिम्नीको नयाँ एडिसन ‘थन्डर’ लन्च गरेको छ । इन्ट्रि लेबल जेटा र टप स्पेक अल्फामा नयाँ एसेसोरिज थप गरेर कस्टमाईज गरी नयाँ एडिसन लन्च गरिएको हो । एसेसोरिज थप गरिनु वाहेक सो नयाँ भेरिएन्टमा अन्य मेकानिकल परिवर्तन भने गरिएको छैन ।

नयाँ एडिसन लन्च गर्नुको साथै कम्पनीले रेगुलर मोडलको वेस भेरिएन्ट जेटामा २ लाख भारु छुट दिने जनाएको छ । यसअघि उक्त छुट रकम १ लाख भारु रहँदै आएको थियो । थप गरिएको छुट रकम केही समयका लागी मात्र लागु हुने कम्पनीले जनाएको छ ।

छुट रकम बृद्धि भएसंगै भारतमा यसको इन्ट्रि लेबल भेरिएन्टलाई १० लाख ७४ हजार रुपैयाँ पर्नेछ । यसअघि जिम्नी बेस भेरिएन्टको मूल्य १२ लाख ७४ हजार भारु निर्धारण गरिएको थियो ।

अफरोड एसयूभी सेग्मेन्टमा सफल बनिरहेको जिम्नीको बजार थप विस्तार गर्न कम्पनीले छोटो समयका लागी छुट अफर ल्याएको अनुमान गर्न सकिन्छ ।