सुजुकीले अर्काे वर्ष नयाँ स्पोर्ट्स बाइक लन्च गर्ने, यस्तो हुनेछ विशेषता

सुजुकीले ईआईसीएमए २०२२ मा जीएसएक्स–८एस नामको नयाँ बाइक सार्वजनिक गरेको छ । सो बाइक एसभी६५० र जीएसएक्स–एस१००० बीचको मोडल हो । सो बाइक मार्चदेखि युरोप र उत्तर अमेरिकामा बिक्रीका लागि उपलब्ध हुनेछ ।

सुजुकी जीएसएक्स–८एस बाइकमा ७७६ सीसी लिक्विड कुल्ड प्यारालल ट्विन इन्जिन जडान गरिएको छ । जसले ८३ बीएचपीको पावर जेनेरेट गर्छ । उक्त बाइकलाई ६ स्पिड गियरबक्ससँग जोडिएको छ ।

कम्पनीका अनुसार सो बाइकले २३.८ किलोमिटर प्रतिलिटर माइलेज दिन्छ । यो भी–स्ट्रोम ८०० डीई भन्दा बढी हो । जीएसएक्स–८एसको तौल पनि भी–स्ट्रोम ८०० डीई भन्दा ३० किलोग्राम कम छ ।

सो बाइकमा ब्रेकिङको लागि फ्रन्टमा ३१० एमएम फ्लोटिङ–माउन्ट डिस्क र एकल–पिस्टन क्यालिपरको साथमा रियरमा २४० एमएम डिस्क ब्रेक जडान गरिएको छ । फेमको फ्रन्टमा १३० एमएम एड्जस्टेबल केवाईबी लिंक टाइप रियर सस्पेन्शनको साथमा जोडिएको छ ।

बाइकमा राइड बाई वायर, लो आरपीएम असिस्ट, ड्युअल च्यानल एबीएस, सुजुकी इजी स्टार्ट सिस्टम, बाई डायरेक्सनल क्विक सिफ्ट सिस्टम र अल–एलईडी लाइटिङ जस्ता फिचर दिइएको छ । यसको इन्स्ट्रयुमेन्ट क्लस्टर ५ इन्च कलर टीएफटीसँग जोडिएको छ ।