मारुती सुजुकीको फ्रङ्क्स एसयूभी, यस्तो छ विशेषता

मारुती सुजुकीले नयाँ क्रसओभर फ्रङ्क्सलाई अटो एक्सपो २०२३ मा सार्वजनिक गरेको थियो । सो एसयूभी परीक्षणको समयमा पनि धेरै पटक देखिएको छ । त्यसयता लगातार यसले चर्चा पाइरहेको छ ।

फ्रङ्क्सको अगाडिको भाग मारुती ग्रान्ड भिटाराबाट प्रेरित छ । सो क्रसओभर ह्याचब्याकमा स्प्लिट हेडलाइट डिजाइनको साथ अपराइट फ्रन्ट समावेश छ । ग्रान्ड भिटारा जस्तै नयाँ फ्रङ्क्स क्रसओभर ह्याचब्याकको हेडलाइट फ्रन्ट बम्परको साइडमा राखिएको छ ।

फ्रङ्क्सको पछाडिको भागमा ज्यामितीय डिजाइनका साथ १६ इन्च अलोय ह्विल समावेश छ । यसको रियरमा सार्प विन्डस्क्रिन र कनेक्टेड एलईडी टेललाइट समावेश छ ।

फ्रङ्क्सको क्याबिन बलेनोमा आधारित छ । यसको ड्यासबोर्डमा प्लाष्टिक र सफ्ट टच सामग्री उपलब्ध नभएको महसुस हुन्छ । यसको सिट आरामदायी छ र पछाडिको भागमा आर्मरेस्ट दिइएको छ । यसमा ड्युअल टोन थिम भएको क्याबिन र ९ इन्च इन्फोटेनमेन्ट स्क्रिन दिइएको छ ।

सेफ्टीका लागि यसमा ६ एयरब्याग, ईबीडीको साथ एबीएस, ईएसपी, हिल होल्ड असिस्ट, रियर पार्किङ सेन्सर, ३६० डिग्री क्यामेरा, डे/नाइट आईआरभीएम र चाइल्ड सिटका लागि आइसोफिक्स एंकर प्वाइट दिइएको छ । नयाँ फ्रङ्क्स ६ रङमा उपलब्ध छ ।

यो नयाँ एसयूभी ९९८ सीसी टर्बोचाज्र्ड ३ सिलिन्डर र १.२ लिटर नेचुरली एस्पिरेटेड के१२सी इन्जिनको विकल्प दिइएको छ । सो दुबै इन्जिनमा माइल्ड हाइब्रिड प्रविधि समावेश छ ।

फ्रङ्क्सको १.२ लिटर नेचुरली एस्पिरेटेडले ६००० आरपीएममा ८८.५ बीएचपीको पावर र ४४०० आरपीएममा ११३ एनएमको टर्क जेनेरेट गर्छ । सो इन्जिनमा ५ स्पिड म्यानुअल र अटोमेटिक गियरबक्सको विकल्प रहेको छ । यसको ३ सिलिन्डर बुस्टरजेट इन्जिनले ५५०० आरपीएममा ९८.७ बीएचपीको पावर र २०००–४४०० आरपीएममा १४७.६ एनएमको टर्क जेनेरेट गर्छ । यसमा ५ स्पिड म्यानुअल र ६ स्पिड टर्क कन्भर्टर अटोमेटिक गियरबक्स दिइएको छ ।

फ्रङ्क्सको लम्बाई ३९९५ एमएम, चौडाइ १७६५ एमएम, उचाइ १५५० एमएम, २५२० एमएम लामो ह्वीलबेस र १९० एमएम ग्राउन्ड क्लियरेन्स छ ।