चाडपर्वको पहिलो संकेत – आयो सुजुकी पर्वोत्सव, दशै तिहारको अवसरमा नगद छुट र अन्य सुविधा

काठमाडौं - सुजुकीको नेपालका लागि आधिकारिक वितरक सीजी मोटोकर्प मार्फत सुजुकी नेपालले “सुजुकी पर्वोत्सव” नामक चाडपर्व विशेष योजना घोषणा गरेको छ । कम्पनीको प्यासेन्जर कार, एसयूभी तथा लाइट कमर्सियल गाडीका सबै रेन्जमा सो योजना लागू हुनेछ।

दशैं–तिहारको यस अवसरमा सुजुकी स्वामित्वलाई थप सहज र फाइदाजनक बनाउने उद्देश्यले ल्याइएको यो योजनाले ब्रान्डको विश्वास, पारदर्शिता र आफ्टर–सेल्स मूल्यप्रतिको दीर्घकालीन प्रतिबद्धतालाई पनि पुनः पुष्टि गरेको कम्पनीको भनाइ छ ।

सुजुकी पर्वोत्सव अन्तर्गत ग्राहकहरूले १ लाखसम्म नगद छुट, १ लाखसम्म एक्सचेन्ज बोनस, निःशुल्क एसेसरिज, निःशुल्क पीएमएस (आवधिक मर्मत सेवा) पार्ट्स र एक वर्षको निःशुल्क बिमा पाउनेछन्। सुविधाहरू मोडल अनुसार फरक–फरक हुनेछन् र देशभरका सुजुकी शोरूममा उपलब्ध हुनेछ, जसले अल्टो के१०, वागनआर, सेलेरियो, इको कार्गो, इको भ्यान, ब्रेजा, जिम्नी, भिक्टोरिस, फ्रोङ्क्स र ई-भिटारा लगायत सुजुकीको सम्पूर्ण रेन्जलाई समेट्छ। चाडपर्वको मौसमलाई लक्षित गर्दै यो योजना २०८३ साल श्रावण २७ देखि कार्तिक अन्तिमसम्म लागू हुने कम्पनीको भनाइ छ ।

पहिले नै सञ्चालनमा रहेको “ई–भिटारा पहिलो १०० युनिट प्रोमोसनल योजना” छुट्टै अफरका रूपमा यथावत् जारी रहने बताइएको छ । पहिलो १०० युनिट बिक्री पूरा भएपछि, मोडल अनुसारको सुजुकी पर्वोत्सव सुविधा स्वतः ई–भिटारामा पनि लागू हुनेछ। विद्युतीय गतिशीलतामा सुजुकीको निरन्तर प्रतिबद्धताको हिस्साका रूपमा, ई-भिटारा ग्राहकहरूले गाडीसँगै आउने स्ट्यान्डर्ड ३ किलोवाटको चार्जरका अतिरिक्त ७ किलोवाटको होम चार्जर पनि निःशुल्क पाउनेछन्, जुन ग्राहकको घरमा स्थापनाको सम्भाव्यतामा भर पर्नेछ।

“सुजुकी पर्वोत्सवले चाडपर्वको यस अवसरमा हाम्रा ग्राहकहरूलाई थप मूल्य र पारदर्शिता प्रदान गर्ने हाम्रो निरन्तर प्रयासलाई प्रतिबिम्बित गर्छ,” सिजी मोटोकर्पका महाप्रबन्धक सिराज पन्तले भने। “हामी सम्भावित ग्राहकहरूलाई आफ्नो नजिकको सुजुकी शोरूम र विशेष गरी २५ देखि ३० अगस्ट २०२६ सम्म हुने नाडा अटो शोमा पुगेर मोडल–विशेष सुविधाबारे थप जानकारी लिन र यो सीमित अवधिको अवसरको लाभ उठाउन आग्रह गर्दछौं।”

इच्छुक ग्राहकहरूलाई पूर्ण विवरण, भेरियन्ट-स्तरीय योग्यता र आवश्यक कागजातका लागि आफ्नो नजिकको सुजुकी शोरूममा सम्पर्क गर्न सुझाव दिएको छ । सुजुकी नेपालले प्यासेन्जर, एसयूभी तथा लाइट कमर्सियल गाडी देशभरका ४२ अधिकृत आउटलेटमार्फत बिक्री र सेवा प्रदान गरिरहेको बताएको छ ।