सुजुकी ई–भिटारा टप भेरिएन्टको मूल्य सार्बजनिक

मारुति सुजुकीले ई–भिटारा सार्बजनिक गरेको लामो समयपछि यसको मूल्य बाहिर ल्याएको छ । भारतमा छिट्टै औपचारिक लन्च हुने तयारीमा रहेको ई–भिटाराको मूल्यलाई कम्पनीले आफ्नो आधिकारिक नेक्सा वेबसाइटमार्फत सार्बजनिक गरेको हो । जसअनुसार, टप भेरिएन्ट अल्फाको मूल्य २४ लाख ७९ हजार भारु पर्ने जनाइएको छ ।

डेल्टा, जेटा र अल्फा गरी कुल तीन भेरिउन्टमा उपलब्ध ई–भिटारा ४९ किलोवाट आवर र ६१ किलोवाट आवर क्षमताको ब्याट्री प्याकमा उपलब्ध छ । यस कारले एकपटकको फुल चार्जमा ५४३ किलोमिटरसम्म रेन्ज दिने दाबी गरिएको छ ।

एसयुभीको तल्लो भेरिएन्टमा १४२ बिएचपी र १९३ एनएम टर्क जनेरेरेट गर्ने सिंगल मोटर जडान गरिएको छ भने ६१ किलोवाट आवर क्षमताको ब्याट्री प्याक जडित माथिल्लो ट्रिममा शक्तिशाली १७२ बिएचपी क्षमतायुक्त विद्युतीय मोटर उपलब्ध गराइएको छ ।

सुजुकीको पहिलो विद्युतीय एसयुभी ई–भिटारामा १०.१ इन्चको टचस्क्रिन इन्फोटेनमेन्ट सिस्टम, १०.२५ इन्चको डिजिटल इन्स्ट्रुमेन्ट क्लस्टर, भेन्टिलेटेड फ्रन्ट सिट, ३६० डिग्री क्यामेरा, लेभल २ एडाससहित अन्थ थुप्रै फिचर दिइएको छ ।