सुजुकी मोटरसाइकलको भारतमा २० वर्ष यात्रा पुरा, १ करोड युनिट उत्पादन

सुजुकी मोटरसाइकल इन्डियाले भारतमा उत्पादन सुरु गरेको २ दशक पुरा भएको छ । कम्पनीले २००६ देखी भारतमा आफ्नो उत्पादन शुरु गरेको थियो ।

हीट १२५ र ज्यूस १२५ मोटरसाइकल लन्च गरेर विश्वको सबैभन्दा ठूलो मध्ये एक भारतीय टु–ह्विलर बजारमा प्रवेश गरेको सुजुकीले लगत्तै सुजुकीले एक्सेस १२५ लन्च गरेको थियो । जुन हालसम्म पनि सर्बाधिक बिक्री हुने १२५ सीसी स्कुटरमा दर्ज हुँदै आएको छ ।

कम्पनीले हाल एक्सेससहित बर्गम्यान स्ट्रिट र एभेनिस स्कुटर उत्पादन गरिरहेको छ भने मोटरसाइकलमा जिक्सर सिरिज अन्तर्गत विभिन्न मोडल, भी–स्ट्रोम एसएक्स, हायाबुसा, जीएसएक्स–८आर, र भी–स्ट्रोम ८०० डीई जस्ता प्रिमियम उपलब्ध गराउँदै आएको छ ।

उत्पादन सुरु गरेको ६ वर्षमा आफ्नो पहिलो १० लाख ग्राहक पाएको सुजुकीले त्यसपछि २०२० मा ५० लाख युनिटहरू पार गरेको थियो । त्यसैगरी २०२६ मा १ करोड उत्पादनको माइलस्टोन हासिल गरेको छ । भारतमा उत्पादित सुजुकी टु–ह्विलर नेपालसहित विश्वका ७७ देशमा निर्यात हुँदै आएका छन् ।