एड्भेन्चर प्रेमीका लागि खुसीको कुरा, सुजुकीले नयाँ टुरिङ बाइक ल्याउने तयारी गर्दै

सुजुकीले ठूलो इन्जिन भएको एड्भेन्चर टुरिङ बाइक भारतीय बजारमा ल्याउने तयारी गर्दैछ । कम्पनीले सो बाइक नोभेम्बरमा सार्वजनिक गरेको थियो ।

सुुजुकीको नयाँ बाइक परीक्षणको क्रममा देखिएको थियो । सुजुकीले भारतीय बजारमा भी स्ट्रोम एसएक्स २५० र भी स्ट्रोम ६५० एक्सटी बाइक पेश गरिसकेको छ । र चाँडै नै भी स्ट्रोम ८०० डीई पनि लन्च गर्ने तयारी गर्दैछ ।

सुजुकी भी स्ट्रोम ८०० डीईमा ७७६ सीसीको प्यारलल ट्विन इन्जिन दिने अनुमान गरिएको छ । यस इन्जिनले बाइकमा ८३ बीएचपी पावर र ७८ एनएमको टर्क उत्पादन गर्नेछ । बाइकमा अफ रोडिङका लागि अगाडि २१ इन्चको स्पोक ह्विल र पछाडि १७ इन्चको स्पोक ह्विल प्रदान गरिएको छ ।

बाइकमा ५ इन्चको डिजिटल इन्स्ट्रयुमेन्ट कन्सोल, राइडिङ मोड, क्विक सिफ्टर, ड्युअल च्यानल एबीएस, सुजुकी इन्टेलिजेन्स राइडिङ सिस्टम, यूएसबी सकेट, एलईडी लाइट, एलईडी इन्डिकेटर जस्ता फिचर दिइएको छ । अफ रोडिङको समयमा राइडरलाई बाइक ड्राइभ गर्न सजिलोको लागि सो बाइकमा उठेको ह्यान्डलबार समावेश गर्न सक्छ ।

कम्पनीले सो बाइकको लन्चिङको कुनै आधिकारिक जानकारी नदिएको भए तापनि रिपोर्टका अनुसार यो बाइक फेस्टिभ सिजनमा लन्च हुन सक्ने अनुमान गरिएको छ ।