इलेक्ट्रिक स्कुटर सुपर सोको सीपीएक्स : आफ्नै ब्याट्री, टप स्पिड ९० किमी

नेपाली बजारमा उपलब्ध विभिन्न इलेक्ट्रिक स्कुटर मध्ये सुपर सोको सीपीएक्स एक हो । यसलाई नेपाली बजारमा डी–लाइफ स्टाइल्सले आधिकारिक रुपमा बिक्री–वितरण गरिरहेको छ ।

यसमा सिंगल र डबल दुवै प्रकारको ब्याट्री उपलब्ध छ । सिंगल ब्याट्रीयुक्त स्कुटरको मूल्य ४ लाख ६० हजार र डबल ब्याट्रीयुक्त स्कुटरको मूल्य ५ लाख ९० हजार रुपैयाँ तोकिएको छ ।

सिंगल ब्याट्री भएको स्कुटरलाई सिंगल चार्जमा १०० किलोमिटर र डबल ब्याट्री भएको स्कुटरलाई २०० किलोमिटर चलाउन सकिन्छ ।

रिभर्स गियर, ठूलो सिट, रिजर्भ ब्याट्री, यूएसबी चार्जिङ पोर्ट, रिमोट की, १६ इन्चको टायर, डबल डिस्क आदि यो स्कुटरका विशेषता हुन् । यसको टप स्पिड ९० किलोमिटर प्रतिघण्टा छ ।

यसमा ६० भोल्ट, ४५ एम्पियरको ब्याट्री छ । त्यसैगरी ४ हजार वाटको मोटर छ । मोटरमा २ वर्ष एवं ब्याट्रीमा २ वर्ष र ३ वर्ष वारेन्टी र ग्यारेन्टी कम्पनीले उपलब्ध गराउने बताएको छ ।

३ वर्षको अवधिमा ब्याट्रीको चार्ज ७० प्रतिशत भन्दा कम भएको अवस्थामा अर्को ब्याट्री कम्पनीले उपलब्ध गराउछ । सुपर सोकोले आफ्नै ब्याट्री प्रयोग गर्ने भाएकाले यसरी ग्यारेन्टी समेत उपलब्ध गराउने गरेको कम्पनीको भनाइ छ ।

घरको सामान्य चार्जिङ पोर्टमा यसलाई चार्ज गर्न सकिन्छ । कम्पनीले उपलब्ध गराउने सुपर सोको चार्जरको सहयोगले यसलाई सामान्यतः साढे ३ घण्टामै फुल चार्ज गर्न सकिन्छ ।