तपाईको कारमा सनरुफ छ ? यसरी गर्नुस् व्यवस्थित

कारमा सनरुफ अब सामान्य फिचर भइसकेको छ । आजकल धेरैजसो लोकप्रिय कारमा सनरुफ फिचर ल्याइएको छ भने महँगो कारमा प्यानोरामिक सनरुफको माग छ ।

सनरुफ भएको कार खरिद गर्दा केही महत्वपूर्ण टिप्सको बारेमा जानकारी हुनु आवश्यक छ, जसको मद्दतले सनरुफको सर्भिसिङ सजिलै गर्न सकिन्छ । यसले सनरुफ लामो समयसम्म टिक्न सक्छ ।

कम्पनीको निर्देशनको पालना गर्नु
सनरुफलाई लामो समयसम्म टिकाउनका लागि पहिला कम्पनीले दिएको म्यानुअलको पालना गर्नु पर्छ । यसको मद्दतले सनरुफको सही प्रयोग र पूर्ण क्षमता जान्न सक्षम हुनेछ । कम्पनीले सनरुफको बारेमा पुर्ण जानकारी दिएको हुन्छ ।

सफा सनरुफ
सनरुफको बाहिरी गिलास मात्र होइन सम्पूर्ण सनरुफलाई सफा राख्नुपर्छ । यसको बाहिरी र भित्री भाग सबै ठाउँमा नियमित सफा गर्नुपर्छ ।

नियमित खुला
सनरुफले सामान्य रूपमा काम गरिरहेको छ भनेर जान्नको लागि सनरुफ बारम्बार प्रयोग गर्न आवश्यक छ । लामो समय पछि सनरुफ खोल्दा धुलोको कारणले यसमा समस्या आउन सक्छ । यस अवस्थामा यसलाई सफा गर्न आवश्यक छ ।

थोरै भार
सनरुफ भएको कारले धेरै भार वहन गर्न सक्दैन । त्यसैले सनरुफ राम्रो गुणस्तरका भए तापनि त्यसमा धेरै भार हाल्नु हुँदैन ।