साङयोङको नयाँ बर्ष अफर : ५ लाखसम्म नगद छुट र एक्सचेन्ज गर्दा ४ लाखसम्म बोनस

काठमाडौं – नयाँ बर्ष २०७८ लाई लक्ष्यित गर्दै आईएमएस मोटर्सले साङयोङ गाडी खरिदमा नगद छुटसहित विभिन्न आकर्षक स्किम सार्वजनिक गरेको छ । स्किम अन्तर्गत नयाँ गाडी खरिद गर्दा ५ लाखसम्म नगद छुट र पुरानोसँग साङयोङको ब्रान्ड न्यु एसयूभी एक्सचेन्ज गर्दा ४ लाख रुपैयाँसम्मको अतिरिक्त बोनस प्राप्त गर्न सकिनेछ ।

त्यसैगरी ३ बर्षको वारेन्टी, ७ बर्षको सरल फाइनान्सिङ, ३ बर्षसम्म निःशुल्क सर्भिसिङ, १ आर्थिक बर्षको निःशुल्क इन्स्योरेन्स सुबिधा र ११ हजार रुपैयाँ बराबरको एसेसरिज उपलब्ध गराइने कम्पनीले बताएको छ ।

यो योजना रेक्स्टन र टिभोली एसयूभीमा लागू हुने बताइएको छ । कोरियन ब्रान्ड साङयोङले प्रिमियम स्तरका एसयूभी उत्पादन गरी विश्व बजारमा बिक्री बितरण गर्दै आइरहेको छ । जसमध्ये रेक्सटनको मूल्य नेपाली बजारमा १ करोड ५४ लाख ९९ हजार र टिभोली म्यानुअलको ६६ लाख ९९ हजार तथा अटोमेटिकको ७५ लाख ९९ हजार रुपैयाँ निर्धारण गरिएको छ ।