इलेक्ट्रि भ्यान एसआरएममा दर्शकको आकर्षण, यस्ता छन् विशेषता

पूजा कन्स्ट्रक्सन नेपालले प्रदर्शनीमा राखेको एसआरएम ब्रान्डका विद्युतीय भ्यानले अवलोकनकर्ताको ध्यान खिच्न सफल भएको छ । कम्पनीले ११ सिट क्षमताको सुविधासम्पन्न प्यासेन्जर मिनि भ्यानलाई जारी अटो शोमा राखेको हो ।यसको मूल्य ४४ लाख ५० हजार रुपैयाँ तोकिएको छ ।

कम्पनीले ल्याएको एसआरएम एक्स ३० एलमा ४१.८६ किलोवाट आवरको सिएटिएल ब्याट्री रहेको छ । यसमा जडान गरिएको सो ब्याट्रीलाई फुल चार्ज गर्दा ३ किलोमिटर रेन्ज प्राप्त गर्न सकिने दावी गरिएको छ ।यसको ब्याट्रीलाई केवल ४५ मिनेटमा शून्यदेखि ८० प्रतिशत चार्ज गर्न सकिन्छ ।

१ सय किलोमिटर प्रतिघण्टाको अधिकतम गतिरहेको यो भ्यानमा ६० किलोवाटको मोटर पावर छ । ११ सिट क्षमताको एसआरएम एक्स३० एलको ग्राउन्ड क्लियरेन्स १ सय ८० एमएम छ । यो भ्यानमा पुजा कन्स्ट्रक्सनले ५ वर्ष वा २ लाख किलोमिटर वारेन्टी दिएको छ ।