जेडएफ ब्रान्डको स्पेयर पार्ट्स बिक्रेतमा श्रीदुश इन्टरनेश्नल नियुक्त, छिट्टै बजारमा उपलब्ध हुने

काठमाडौं– बिश्व प्रख्यात स्पेयर पार्ट्स उत्पादक जेडएफका उत्पादनलाई नेपाली बजारमा बीक्रिवितरण गर्ने जिम्मेवारी श्रीदुश इन्टरनेश्नलले प्राप्त गरेको छ । सन् १९१५ मा जर्मनीमा स्थापना भएको जेडएफ अटोमोवाइल कम्पोनेन्ट्सको उत्पादनमा कहलिएको नाम हो ।

यो ब्रान्ड अन्तर्गत उत्पादन हुने ट्रान्समिसन सिस्टम, स्टेरिङ, एक्सल कम्पोनेन्ट्स, इलेक्ट्रोनिक सिस्टम, एड्भान्स्ड ड्राइभर असिस्टेन्स सिस्टम(एडिएएस) एयर ब्याग, सिट बेल्ट सिस्टम र ब्रेक सिस्टम जस्ता मुख्य कम्पोनेन्ट्सले विश्व अटोमोवाइल बजारमा ख्याती कमाएको छ ।

नेपाली बजारमा यसको भारतीय प्लान्टबाट उत्पादन हुने ब्रेक कम्पोनेन्ट्स, क्लच, स्टेरिङ सस्पेन्सन र शक अब्जर्भरहरु दशैं लगत्तै उपलब्ध हुने कम्पनीका प्रवन्ध निर्देशक ऋद्धि कार्कीले वताएका छन् । ‘विश्वका ३२ देशमा १६८ वटा उत्पादन प्लान्ट संचालन गरी आफ्नो पकड कायम राख्दै आएको जेडएफका उत्पादनलाई नेपाली बजारमा समेत बिक्री गर्न पाउनु हाम्रा लागि ठूलो अवसर हो । जेडएफसंगको व्यावसायिक आवद्धताले श्रीदुश इन्टरनेश्नलको पहिचानलाई अझै उचाईमा पुर्याउन मद्धत पुग्ने हामीले अपेक्षा राखेका छौ’ उनले भने ।

विगत ६ वर्षदेखी चर्चित ब्रान्डका स्पेयर पार्ट्स आयत गरी कारोवार गर्दै आएको श्रीदुश इन्टरनेश्नललाई नेपाली अटोबजारमा स्थापित कम्पनीका रुपमा चिन्ने गरिन्छ । यो कम्पनी मातहात हाल लुकास टिभिएस सहित टिभिएस ग्रुपको आठवटा उत्पादन, एसकेएफ बेरिङ र आयल सिल, मोन्रो शक र सिन्डिकेट ब्रान्डको वाइपर ब्लेड जस्ता उत्पादन सामेल छन् । यी सवै बिभिन्न ब्रान्डका सवारी साधनमा ओइएम सप्लाई गरिँदै आएका उत्पादन हुन् ।

जेडएफको भारतमा मात्र १८ वटा उत्पादन प्लान्ट रहेको र यसको आफ्टर मार्केट डिभिजनले स्याक्स, लेम्फोर्डर, टिआरडब्लु र वाब्को जस्ता ख्यातीप्राप्त ब्रान्डका पार्ट्सहरु उपलब्ध गराउँदै आएको छ । सन् १९८१ मा स्टेरिङ गियरसंग साझेदारी गरी भारतमा उत्पादन थालेको जेडएफले त्यसपछिका हरेक वर्षमा आँफूलाई अब्बल सावित गर्दै आएको छ ।

नयाँ र आधुनिक विशेषताका उत्पादनलाई बजारमा ल्याउन प्रतिवद्ध जेडएफले अनुसन्धान र विकासको क्षेत्रमा ठूलो रकम खर्चिदै आएको छ । सन् २०२२ मा यसले ३ अर्ब ४० करोड यूरो आर एण्ड डीमा लगानी गरेको छ ।