सुजुकी सेलिरियो, अल्टो के–१० र एस–प्रेसोको नयाँ एडिसन आउँदै

मारुती सुजुकीले सेलिरियो, अल्टो के–१० र एसप्रेसेको सस्तो भेरिएन्ट ल्याउने भएको छ । साना ह्याचब्याकको माग क्रमिक रुपले घट्न थालेपछि कम्पनीले यी तीन कारको सस्तो भेरिएन्ट ‘ड्रिम एडिसन’ ल्याउने जनाएको हो ।

नयाँ एडिसन अन्तर्गतक सेलिरियोको मूल्य ४ लाख ९९ हजार भारु पर्ने जनाइएको छ । सुजुकीले हाल यसको इन्ट्रि लेबल भेरिएन्ट एलएक्सआईलाई ५ लाख ३७ हजार भारुमा बिक्री गर्दै आएको छ । जसअनुसार यो नयाँ भेरिएन्ट हालको एलएक्सआईको तुलनामा ३८ हजार भारुले सस्तो पर्नेछ ।

यसैगरी, नयाँ एडिसन अन्तर्गत अल्टो के–१० को मूल्य हालको इन्ट्रि लेवल एलएक्सआई र टप भेरिएन्ट भिएक्सआईको विचमा तय हुनेछ । कम्पनीले हाल यी दुई भेरिएन्टलाई ४ लाख ८४ हजार र ५ लाख ६ हजार भारुमा बिक्री गर्दै आएको छ ।

एसप्रेसोको ड्रिम एडिसन पनि हाल उपलब्ध इन्ट्रि लेवल स्टयन्डर्ड र एलएक्आई भेरिएन्टको विचमा रहने बताइएको छ । यी कारको मूल्य हाल ४ लाख २७ हजार र ५ लाख २ हजार भारु तय गरिएको छ । यी कारको ड्रिम एडिसनमा थुप्रै फिचर समेत थप हुने जनाइएको छ ।