भन्सार छलेर ल्याइएको आशंकामा ३३ लाख बढीको स्पेयर पार्ट्स प्रहरी नियन्त्रणमा

भन्सार छली गरी ल्याएको आशंकामा प्रहरीले मंगलबार राति विराटनगर–१२ स्थित रोडशेष चोकबाट स्पेयर पार्ट्स वोकेको ट्याक्टर नियन्त्रणमा लिएको छ ।

मोरङ प्रहरी प्रवक्ता डिएसपी दीपक श्रेष्ठका अनुसार भन्सार छली गरी ल्याएको आशंकामा विराटनगरबाट ३३ लाख बढीको स्पेयर पार्ट्स सहित ट्याक्टर नियन्त्रणमा लिएको हो ।

भन्सारमा कम मूल्यांकन गरी भन्सार जाँचपास गरेर निस्किएको भारतीय नम्बर बिआर ७ के १७२४ नम्बरको ट्याक्टर र चालक तलुवा मुर्र्मलाई नियन्त्रणमा लिएको प्रहरीले जनाएको छ ।

विभिन्न किसिमका स्पेयर पाटर््स र ट्याक्टर नियन्त्रणमा लिएको सामानको मूल्य ३७ लाख बराबरको रहेको छ । ३३ लाखको सामान र ४ लाखको ट्याक्टर मूल्यांकन गरी आवश्यक कारबाहीका लागि इटहरीस्थित राजस्व कार्यालय पठाइएको प्रहरीले जनाएको छ ।