सोनी र होन्डा मिलेर बजारमा प्रिमियम ईभी ल्याउने

सोनी ग्रुप कर्प र होन्डा मोटरको संयुक्त साझेदारीमा सन् २०२६ सम्ममा आफ्नो पहिलो इलेक्ट्रिक कार सार्वजनिक गर्ने योजना छ । रिपोर्टका अनुसार सोनी होन्डा मोबिलिटीका इलेक्ट्रिक कार अमेरिका र युरोपमा अनलाइन मार्फत बिक्री गरिने छ ।

सोनी र होन्डाले यस वर्षको जुनमा सोनी होन्डा मोबिलिटी गठन गर्न साझेदारी गरेका थिए । सोनी दशकौंदेखि उपभोक्ता इलेक्ट्रोनिक्स स्पेसमा प्रमुख खेलाडीको रुपमा रहेको छ भने होन्डासँग विशेषज्ञता रहेको छ । तसर्थ, यी २ कम्पनीको साझेदारीले ईभी क्षेत्रमा फाइदा पुग्ने अपेक्षा गरिएको छ ।

सोनी होन्डा मोबिलिटीको आगामी इलेक्ट्रिक गाडी प्रिमियम ईभी सेग्मेन्टमा ल्याइनेछ । जसको मतलब यो उपभोगको लागि महँगो हुनेछ । तर लक्जरी कारको तुलनामा कम मूल्य हुने सम्भावना छ ।

सोनीलाई सो ईभीमा सफ्टवेयर सिस्टम जडान गर्ने जिम्मा दिइएको छ । सोनी कम्पनी क्लाउडमा आधारित सेवा र इन–क्याबिन इन्टरटेनमेन्ट विकल्पको लागि जिम्मेवार हुनेछ । साथै यो लेभल ३ अटोनोमस ड्राइभ क्षमताको लागि धेरै सेन्सरहरूसँग सुसज्जित हुनेछ ।

होन्डाले कुन प्लेटफर्म प्रयोग गर्ने भन्ने निर्णय गर्ने र उत्पादन पनि गर्नेछ । कम्पनीले ईभी सेग्मेन्टमा आफ्ना प्रतिद्वन्दीहरूसँग प्रतिस्पर्धा गर्न लागि तयारी हुन विभिन्न उपायहरु अपनाउनेछ ।