एसएमएस मार्फत यसरी पत्ता लगाउन सकिनछ मुग्लिन–नारायणगढ सडकको अवस्था

काठमाडौं – विगत केही दिन देखि लगातार परिरहेको वर्षाका कारण विभिन्न स्थानका सडक अवरुद्ध भएका छन् । यो अवस्थामा दसैं मान्न गाउँघर गएका सर्वसाधारण काठमाडौं लगायतका स्थानमा फर्किन समस्या भएको छ ।

विशेष गरी धेरै यात्रु ओहोरदोहोर गर्ने मुग्लिन–नारायणगढ सडक पनि पहिरोका कारण अवरुद्ध हुने गरेको छ । यही कुरालाई मनन गरी सो सडकको अवस्था कस्तो छ भन्ने कुरा थाहा पाउन एसएमएस सिस्टमको विकास गरिएको छ ।

यसका लागि आफ्नो मोबाइलको मेसेज बक्समा गएर highwaynow टाइप गर्न सकिन्छ। यसपछि उक्त एसएमएस ३१००३ मा सेन्ड गर्नुपर्छ ।

यसपछि सो समयमा मुग्लिन–नारायणगढ सडक बन्द छ, पहिरो गएको छ, खुलेको छ वा खुल्ने क्रममा छ लगायतका रियल टाइम सूचना प्राप्त गर्न सकिन्छ ।

साथै थप जानकारीको लागि एसएमएसमा सम्बन्धित ट्राफिक प्रहरी कार्यलयको नम्बर पनि उपलब्ध गराइएको हुन्छ ।