मर्सिडिज बेन्ज नेटवर्कबाट डिजाइन गरिएको र जिलीद्वारा विकास गरिएको नयाँ ईभी नेपाली बजारमा

सीजी मोटर्सले नयाँ स्मार्ट ३३ नेपाली बजारमा उपलब्ध गराएको छ । विश्वमै परिचित मर्सिडिज बेन्ज डिजाइन नेटवर्कबाट डिजाइन गरिएको र जिली ग्लोबल इन्जिनियरिङ नेटवर्कद्वारा विकास गरिएको स्मार्ट भेइकलको नयाँ जेनेरेसन अब नेपाली बजारमा समेत उपलब्ध भएको हो । परीक्षणका लागि यो गाडी पहिले नै उपलब्ध भए पनि अब भने बिक्रीका लागि उपलब्ध भएको हो ।

यो गाडीको बाहिरी भागमा साइबर स्पार्क्स एलईडी हेडलाइट, फ्रेमलेस डोर र साइड लोगो लगायतका फिचर छन् । यसमा स्पोर्टी च्यासिस ट्यनिङ, ५०ः५० ब्यालेन्स्ड वेयट डिस्ट्रिब्युसन, करिव १०० किलोमिटर प्रतिघण्टा सम्म स्पिडमा हुँदा पनि अल्ट्रा–सर्ट ब्रेकिङ डिस्टेन्स र ५.५ मिटरको मिनिमम टर्निङ रेडियस रहेको छ ।

यसमा १३ स्पिकर सहितको बिट्स साउन्ड सिस्टम छ । फ्रेस एयर वुफरसहित कस्टमाइज गरिएको यसमा ६४० वाट सम्मको पावर रहेको र स्टुडियो ग्रेड साउन्ड इफेक्ट उपलब्ध हुन्छ । त्यसैगरी ब्लुटुथ, १० इन्च हेडअप डिस्प्ले, ९.२ इन्च एचडी इन्स्ट्रयुमेन्ट क्लस्टर, १२.८ इन्च सेन्ट्रल डिस्प्ले स्क्रिन लगायतका फिचर रहेका छन् ।

स्मार्ट ३ ईभीको लम्बाई, चौडाई र उचाई क्रमशः ४,४०० एमएम, १,८४४ एमएम र १,५५६ एमएम छ । यसको ह्विलबेस २,७८५ एमएम छ । ५ जना बस्न मिल्ने यो गाडीको मोटर २०० किलोवाट रहेको छ । यसमा ६६ किलोवाट आवरको ब्याट्री रहेको छ र सिंगल चार्जमा डब्लुएलटीपी अनुसार ४५५ र एनईडीसी अनुसार ५३० किलोमिटरको रेन्ज दिन्छ । यसलाई ७.४ किलोवाटको एसी चार्जबाट चार्ज गर्न सकिन्छ । त्यसैगरी डीसी चार्जरबाट ३० मिनेट भन्दा कम समयमै १० देखि ८० प्रतिशत सम्म चार्ज गर्न सकिन्छ । स्मार्ट ३३ लाई इको, कम्फर्ट र स्पोर्ट मोडमा चलाउन सकिन्छ ।

सुरक्षाका लागि यो गाडीमा विभिन्न प्रकारको कोलिजन अभोइडेन्स, पार्किङ सेन्सर, ३६० डिग्री क्यामेरा, एड्भान्स इन्टेलिजेन्ट ड्राइभिङ, लेन चेन्ज असिस्ट, ब्लाइन्ड स्पट डिटेक्सन, किलेस इन्ट्री, एन्टी थेफ्ट इमोबिलाइजर, फ्रन्ट र साइड एयरब्याग लगायतका विभिन्न फिचर रहेका छन् ।

नेपाली बजारमा प्रो प्लस र प्रिमियम गरी दुई भेरिएन्टमा यो गाडी उपलब्ध छ । यसको मूल्य क्रमशः १ करोड र १ करोड १५ लाख रुपैयाँ तोकिएको छ ।