नेपाल आयो स्मार्ट–३ इलेक्ट्रिक कार, सिजी मोटर्सले बिक्री गर्ने

काठमाडौं–सीजी मोटर्स आधिकारिक विक्रेता रहेको अर्को नयाँ ब्रान्ड स्मार्टको इलेक्ट्रिक कार नेपाल भित्रिएको छ । कम्पनीले स्मार्ट–३ मोडललाई नेपाल ल्याएको हो । नाडा अटो शोमा स्मार्टका लागि स्टल नलिएका कारण यो कार अवोलकन गर्न भने पाइनेछैन ।

स्मार्ट–३ मा ६६ किलोवाट आवरको ब्याट्री प्याक रहेको छ । २ सय किलोवाट र ३ सय १५ किलोवाट पावरमा उपलब्ध स्मार्ट थ्रीले एक पटकको फुल चार्जमा ४ सय २० देखि ४ सय ४० किलोमिटर रेन्ज दिने डब्लूएलटीपी प्रमाणित गरेको छ ।

स्मार्ट को ह्वील बेस २७ सय ८५ एमएम रहेको छ। त्यस्तै यो कारको लम्बाई ४४ सय ४० एमएम, चौडाई १८ सय ४४ एमएम र उचाई १५ सय ५६ एमएम रहेको छ । सीजी मोटर्सले प्रकाशित गरेको अधिकतम खुद्रा बिक्री मूल्यमा यसको मूल्य १ करोड २० लाख र १ करोड २२ लाख कायम गरिएको छ ।

सिजी मोटर्सले हाल नेटा र एवोन ब्रान्डका इलेक्ट्रिक कार बिक्री गर्दै आएको छ भने स्मार्टसहित अवतार र एक्सपेङ ब्रान्डका ईभी बिक्री गर्ने तयारी गरिरहेको छ । यी मध्ये अवतार र एक्सपेङलाई कम्पनीले आजबाट सुरु हुने अटो शोमा लन्च गर्दै छ ।