नयाँ व्रान्ड लोगोसहित सार्वजनिक भयो स्कोडा भीजन ७ एस, रेन्ज ६ सय किलोमिटर

स्कोडाले नयाँ इलेक्ट्रिक कार भिजन ७ एसको कन्सेप्ट सार्वजनिक गरेको छ । यो नयाँ कारमा स्कोडलो नयाँ व्रान्ड लोगोलाई प्रयोगमा ल्याएको छ । कारमा वच्चाको लागी छुट्टै सिट उपलब्ध हुनेछ । हाल कारोवार भैरहेको स्कोडा इनायकभन्दा केही ठूलो आकारको यो कारलाई उसले फक्सवागन ग्रुपको यूनिक एमइवी प्लेटफर्ममा निर्माण गरेको हो ।

सन् २०२६ सम्मममा थप तीन नयाँ मोडलका इलेक्ट्रिक कार लन्च गर्ने योजना अनुरुप यसको कन्सेप्ट सार्वजनिक गरिएको हो । यो नयाँ कारमा ८९ किलोवाट आवरको व्याट्री प्याक जडान हुनेछ भने यसले एकपटकको फूल चार्जमा ६ सय किलोमिटर हाराहारी रेन्ज प्रदान गर्ने दावी गरिएको छ । कारमा अत्याधुनिक विशेषता र आरामदायी फिचर्स उपलब्ध हुनेछ ।

कम्वस्चन इन्जिनयुक्त सावरीमा प्रयोग हुँदै आइरहेको परम्परागत लोगोको सट्टा यसमा स्कोडालाई अक्षरकै रुपमा ब्रान्ड लोगो लेखिएको छ । उक्त अक्षर लेख्नका लागी यसअघिको ग्रिललाई समेत सोलिड प्लास्टिक पिसले रिप्लेस गरिएको छ । स्कोडोले यो नयाँ कन्सेप्टलाई विल्कुलै नयाँ कलर र ब्रान्ड थिममा तयार पार्ने जनाएको छ ।