स्कोडाले नयाँ कम्प्याक्ट एसयूभी ल्याउने, टिजर सार्वजनिक

पछिल्ला केही वर्षदेखि भारतीय ग्राहकहरूमाझ कम्प्याक्ट एसयूभीको माग लगातार बढिरहेको छ। यस खण्डमा टाटा नेक्सन, मारुती सुजुकी ब्रेजा, किया सोनेट र महिन्द्रा एक्सयूभी३एक्सओ जस्ता एसयूभीहरू सबैभन्दा लोकप्रिय छन् ।

स्कोडाले आफ्नो बहुप्रतिक्षित कम्प्याक्ट एसयूभी टिजर सार्वजनिक गरेको छ । यसअघि कम्पनीले ५ सिटरको टिजर आधिकारिक रूपमा सार्वजनिक गरेको थियो र एसयूभी मार्च २०२५ मा लन्च हुने पनि पुष्टि गरेको थियो । यद्यपि कम्पनीले हालसम्म पनि आफ्नो बहुप्रतिक्षित एसयूभीको नामको बारेमा अहिलेसम्म कुनै आधिकारिक घोषणा गरेको छैन ।

मिडिया रिपोर्टका अनुसार आगामी स्कोडा एसयूभी पनि ५ स्टार सेफ्टी रेटिङलाई ध्यानमा राखेर बनाइएको छ । कम्पनीको स्कोडा कुशाक र स्लाभियालाई ग्लोबल एनसीएपीले पारिवारिक सुरक्षाको लागि क्र्यास टेस्टमा ५-स्टार रेटिङ दिएको छ । कम्पनीको आगामी सब ४ मिटर एसयूभी एमक्युबी एओ इन प्लेटफर्ममा आधारित छ । साथै यसमा उल्टो एल आकारको एलईडी टेल ल्याम्प र त्यसको बिचमा बोल्ड स्कोडा लेखेको देख्न सकिन्छ ।

स्कोडाको आगामी एसयूभीमा पावरट्रेनका लागि १.० लिटर ३ सिलिन्डर टर्बो पेट्रोल इन्जिन हुनेछ जसले ११५ बीएचपीको अधिकतम पावर र १७८ एनएमको पीक टर्क उत्पादन गर्न सक्षम हुनेछ। जबकि कारको इन्जिन ६ स्पिड म्यानुअल र ६ स्पिड टर्क कन्भर्टरसँग जोडिनेछ ।

आगामी स्कोडा सब-४ मिटर एसयूभी २०२५ को शुरुमा लन्च गर्न सकिन्छ। रिपोर्टका अनुसार आगामी स्कोडा एसयूभीको मूल्य ८ लाखदेखि १५ लाख भारु हुन सक्ने सम्भावना छ ।