कुसाक र स्लाभिया सफल भएपछि मार्च महिनामा स्कोडाले हाँसिल गर्यो किर्तिमानी सेल्स रेकर्ड

चेक रिपव्लिकन ब्रान्ड स्कोडले मार्च महिनामा कितीमार्नी बिक्री हाँसिल गरेको छ । कुशाक र स्लभिया मोडलले भारतीय बजारमा लोकप्रियता हाँसिल गरेसंगै सो ब्रान्डले उक्त महिना हालसम्मकै सर्बाधिक बिक्री हाँसिल गरेको हो । स्कोडाले उक्त महिना कुल ५ हजार ६ सय ८ युनिट कार बिक्री गरेको थियो । यो अघिल्लो बर्षको सोही महिनामा बिक्री भएको १ हजार १ सय ५९ युनिटको तुलनमा ३८३ प्रतिशतले बढी हो ।

साथै उसले यो बर्षको पहिलो क्वार्टर अर्थात जनवरीदेखी मार्च महिनासम्ममा कुल १३ हजार १ सय २० युनिट कार बिक्री गर्न सफल भएको छ । यो अघिल्लो बर्षको सोही अबधीमा बिक्री भएको कारको तुलनमा ५ गुणा बढी भएको जनाइएको छ । जसलाई कम्पनीले ३ महिनाको अबधीमा हालसम्मकै सर्बाधिक बिक्री भएको रेकर्ड भनेको छ ।

भारतमा २.० प्रोजेक्ट अन्तर्गत सन् २०१९ देखी २०२१ सम्मको अबिधीमा एक बिलियन यूरो लगानी गर्ने उद्घोष गरेपछि स्कोडाले स्थानिय बजारलाई मध्येनजर गर्दै नयाँ मोडलका कार र एसयुभी सार्बजनिक गरिरहेकको छ । सोही क्रममा उसले २०२१ को जुन महिनामा मिड साइज एसयुभी कुसाक र यसै बर्षको फेब्रुअरी महिनामा स्लाभिया सेडान कार लन्च गरिसकेको छ । यी दुबै कार अहिले भारतसहित अन्य राष्ट्रमा समेत लोकिप्रय बनिरहेका छन् ।

भारतमा सार्बजनिक भएको २ महिनापछि अर्थात २०२१ को अगस्ट महिनामा नेपाल भित्रिएको कुसाक एसयुभी यहाँको बजारमा समेत सफल बनिरहेको छ । यो एसयुभीमा १.० लिटरको शक्तिशाली टिएसआई इन्जिन जडान गरिएको छ ।