स्कोडाको नयाँ वर्ष अफर : कम डाउन पेमेन्ट, ५ वर्ष सम्म ५.९९ प्रतिशत ब्याज

काठमाडौं – स्कोडा गाडीको नेपालका लागि आधिकारिक वितरक एमएडब्ल्यु इन्टरप्राइजेज प्रालिले नयाँ वर्ष २०७८ लाई लक्ष्यित गरी ‘अ न्यु जर्नी, अ ब्रान्ड न्यु स्कोडा’ नामक योजना ल्याएको छ । यस योजना अन्तर्गत स्कोडाका कुनै पनि गाडी ५.९९ प्रतिशत ब्याजदरमा खरिद गर्न सकिने छ । सो ब्याजदर ५ वर्ष सम्म परिवर्तन हुने छैन ।

त्यसैगरी गाडी खरिद गर्दा शुरुमा १० लाख रुपैयाँ देखि डाउन पेमेन्टवापत बुझाउन सकिने छ ।

गाडी खरिदका लागि फाइनान्सका साथै एक्सचेन्ज गर्नेहरुका लागि एक्सचेन्ज बोनसको सुविधा समेत उपलब्ध गराइएको छ । त्यसैगरी निःशुल्क एसेसरिज र अन्य विभिन्न सुविधा समेत प्राप्त गर्न सकिन्छ ।

स्कोडाका गाडीहरु खरिद गरे पश्चात ४ वर्ष सम्म वा १ लाख किलोमिटर गुड्दा सम्म वारेन्टी उपलब्ध छ ।

नेपाली बजारमा स्कोडाका -यापिड, सुपर्व, कारोक र कोडियाका गाडी उपलब्ध छन् । -यापिड टीएसआई म्यानुअल ट्रान्समिसनको मूल्य ३६ लाख ९० हजार देखि ५१ लाख ९० हजार र -यापिड टीएसआई अटोमेटिक ट्रान्समिसनको मूल्य ४४ लाख ९० हजार देखि ५८ लाख ९० हजार रुपैयाँ सम्म छ ।

त्यसैगरी सुपर्वको मूल्य १ करोड ३९ लाख र १ करोड ४९ लाख, कारोकको मूल्य १ करोड ३० लाख र कोडियाकको मूल्य १ करोड ६५ लाख रुपैयाँ तोकिएको छ ।