नयाँ डिजाइन ल्याङग्वेजमा आधारित एसयूभी सार्वजनिक गर्ने स्कोडाको तयारी

स्कोडा अटोले नयाँ डिजाइन ल्याङ्ग्वेजमा आधारित एसयूभी मोडर्न सोलिड लन्च गर्ने योजना बनाएको छ । रिपोर्टका अनुसार सो एसयूभी पूर्णतया इलेक्ट्रिक हुने सम्भावना छ । कार निर्माताले सो एसयूभीको अगाडिको भागको खुलासा गरेको छ ।

टिजर तस्विरका अनुसार यसको अगाडि ठूलो ग्रिल र स्किड प्लेट छ, जसमा ठाडो स्लट बनाइएको छ । यो एसयूभीमा ठूलो हेडल्याम्प क्लस्टर दिइएको छ । दुबै हेडलाइटको छेउमा भर्टिकल एलईडी डीआरएल दिइएको छ । साइडमा विन्डो लाइन छ तर यसमा बी पिलर छैन । कारको रियरमा स्लिक टेललाइट र कालो बम्पर दिइएको छ ।

स्कोडाले हालै भारतमा स्लाभिया कम्प्याक्ट सेडान लन्च गरेको छ । यो सेडान होन्डा सिटी, हुन्डाई भर्ना र मारुती सुजुकी सियाजसँग प्रतिस्पर्धामा लन्च गरिएको हो ।

स्कोडा स्लाभिया १.० टीएसआई र १.५ लिटर टीएसआई इन्जिनमा उपलब्ध छ । यसको १.५ लिटर टीएसआई इन्जिनले १५० बीएचपीको पावर र २५० एनएमको टर्क जेनेरेट गर्छ । यो दुवै इन्जिनमा ६ स्पिड म्यानुअल र ७ स्पिड डीसीटी अटोमेटिक गियरबक्सको विकल्प उपलब्धमा छ ।

नेपाली बजारमा समेत स्कोडाका गाडी उपलब्ध छन् । पछिल्लो समयमा नेपाली बजारमा भित्रिएको स्कोडा कुशाक निकै नै रुचाइएको गाडी हो ।