यस्तो हुनेछ स्कोडाको सबैभन्दा सानो र सस्तो कार एपिक, सार्वजनिक भयो कन्सेप्ट मोडल

स्कोडा अटोले इन्ट्री लेभल इलेक्ट्रिक कार एपिकको कन्सेप्ट मोडल ल्याएको छ । यो कम्पनीको अहिलेसम्मकै सबैभन्दा सानो र सस्तो कार हुनेछ । कम्पनीले यसलाई २०२५ सम्ममा विश्व बजारमा लन्च गर्ने छ, त्यसपछि यसलाई भारतीय र नेपाली बजारमा लन्च गर्ने छ ।

कम्पनीका अनुसार नयाँ इलेक्ट्रिक कारको मूल्य २५ हजार युरो हुनेछ । यसले विश्व बजारमा फक्सवागन आईडी.२ इलेक्ट्रिक ह्याचब्याक र टाटा नेक्सनसँग प्रतिस्पर्धा गर्नेछ । यो कम्पनीको दोस्रो इलेक्ट्रिक कार हुनेछ ।

कम्पनीले कारको स्पेसिफिकेशनको बारेमा खुलासा गरेको छैन, तर मिडिया रिपोर्टका अनुसार स्कोडाले यसमा २ ब्याट्री प्याकको विकल्प प्रदान गर्न सक्छ । यसमा ३८ किलोवाट र ५६ किलोवाट ब्याट्री प्याक युनिट हुन सक्छ । सो कारले फुल चार्ज गरेपछि ४०० किलोमिटर रेन्ज प्रदान गर्नेछ ।

सो इलेक्ट्रिक कार एमईबी प्लेटफर्ममा आधारित हुनेछ । एपिक ईभीको फ्रन्टमा स्कोडा वर्डमार्कको साथै स्कलप्ड बोनट र एलईडी लाइटिङ एलिमेन्ट दिइएको छ । यसको रियरमा टी आकारको एलईडी टेललाइट तथा टेलगेटमा स्कोडाको डार्क क्रोम ब्याजिङ दिइएको छ ।

स्कोडा एपिकको लम्बाइ करिब ४.१ मिटर र ह्विलबेस २६०० एमएम छ । सो कारमा ४९५ एमएमको बुट स्पेस दिइएको छ । कारको क्याबिनमा ड्युअल टोन थिम दिइएको छ । यसमा टु स्पोक स्टेयरिङ ह्विल, ५.३ इन्चको ड्राइभर डिस्प्ले र १३ इन्चको टचस्क्रिन इन्फोटेनमेन्ट सिस्टम रहेको छ । स्कोडाले यसको क्याबिनमा वायरलेस चार्जिङलगायत धेरै उपयोगी फिचर रहेको बताएको छ ।

स्कोडाले २०२६ सम्ममा भारतीय बजारमा ६ नयाँ इलेक्ट्रिक कार लन्च गर्नेछ । स्कोडाका नयाँ इलेक्ट्रिक कार कम्प्याक्ट, स्मल, कम्बी र स्पेस गरी चार प्रकारका हुनेछन् ।