कुशाक र टाइगुनले नयाँ नियम अनुसारको क्रयास टेस्टमा पाए फाइभ सेफ्टी स्टार रेटिङ

स्कोडा कुशाक र फक्सवागन टाइगन दुबै मिड साइज एसयूभी हुन् । दुबै मोडलको ग्लोबल एनसीएपी क्रयास टेस्ट रेटिङ सार्वजनिक भएको छ । दुबै मोडलले ५ स्टार सेफ्टी रेटिङ पाएका छन् ।

सो दुबै मोडल फक्सवागन ग्रुपको एमक्युबी एओ आईएन प्लेटफर्ममा निर्माण गरिएको हो । जसका कारण दुबैले समान सेफ्टी रेटिङ प्राप्त गरेका हुन् । दुवै मोडलले वयस्क सेफ्टीमा ३४ मध्ये २९.६४ र बाल सेफ्टीमा ४९ मध्ये ४२ अंक प्राप्त गरेका छन् । सो मोडेलहरूमा इलेक्ट्रोनिक स्टेबिलिटी कन्ट्रोल स्यान्डर्डको रूपमा प्रदान गरिएको छ ।

साइडबाट हुने टक्करमा भने सामान्य पाइएको छ । फ्रन्ट र साइड इफेक्टमा बच्चाहरूको सेफ्टीको लागि पूर्ण रूपमा सुरक्षित भएको पाइयो । दुबै मोडलले चालक र यात्रुको टाउको र घाँटीमा राम्रो सपोर्ट प्रदान गरेको छ भने चालकको छातीमा पर्याप्त सपोर्ट पाएको छ । दुबै एसयूभीमा पछाडिको सिटमा आइसोफिक्स प्वाइन्ट दिइएको छ, जसका कारण यो सुरक्षित रहेको पाइएको छ ।

दुबै एसयूभीका २ वटा एयरब्यागसहितको बेस मोडल र साइड पोल इम्प्याक्ट टेस्टको लागि ६ वटा एयरब्यागसहितको मोडलको टेस्ट गरिएको थियो । दुबै मोडलमा एडजस्टेबल हेडरेस्टसहित ३ पोइन्ट सिट बेल्ट, फ्रन्टको सिटका लागि सिट–बेल्ट रिमाइन्डर, ६ वटा एयरब्याग, रोल ओभर सेफ्टी र बच्चाको लागि आइसोफिक्स जस्ता फिचर समावेश गरिएको छ ।

साथै दुबै एसयूभीमा हिल होल्ड कन्ट्रोल, इलेक्ट्रोनिक स्ट्याबिलिटी कन्ट्रोल, इलेक्ट्रोनिक ब्रेक फोर्स डिस्ट्रिब्युसन, टायर प्रेसर मोनिटरिङ सिस्टम, इलेक्ट्रोनिक डिफरन्सियल लक सिस्टम, मल्टि–कोलिजन ब्रेकिङ, ब्रेक डिस्क वाइपिङ, क्यामेरासहितको रियर पार्किङ सेन्सर र साइड इफेक्ट प्रोटेक्शन बीम समावेश गरिएको छ ।

जीएनसीएपीले क्रयास टेस्टका लागि नयाँ नियम ल्याएको छ जसले इलेक्ट्रोनिक स्टेबिलिटी कन्ट्रोल अनिवार्य बनाएको छ । सो फिचर सबै भेरिएन्टमा स्ट्यान्डर्ड बनाइएको छ । पैदल यात्रुको सेफ्टीका लागि नयाँ स्तर, पोल साइड इफेक्ट र सिट बेल्ट रिमाइन्डर प्वाइन्ट थपिएको छ ।