स्कोडा कुशाकमा अफर : अहिले किने ६ महिना पश्चात मात्र ईएमआई तिर्न सकिने

काठमाडौं – स्कोडको नेपाली बजारमा रहेको लोकप्रिय एसयूभी कुशाक किन्नेले किनेको ६ महिना पश्चात मात्र किस्ताबन्दी अर्थात ईएमआई भुक्तानी गर्दा हुने भएको छ । नेपालका लागि स्कोडाको आधिकारिक वितरक एमएडब्ल्यु इन्टरप्राइजेजले सो अफर उपलब्ध गराइरहेको छ ।

मन्दीको समयमा ग्राहकको आवश्यकतालाई मनन गरी यो अफर ल्याएको कम्पनीको भनाइ छ । अहिले भइरहेको गाडीलाई अपग्रेड गरी युरोपियन ब्रान्ड र सुरक्षित सवारीको रुपमा स्कोडा कुशाक चढ्न चाहनेहरु यसबाट लाभान्वित हुनेछन् ।

नेपाली बजारमा म्यानुअल र अटोमेटिक गरी दुई भर्सनमा स्कोडा कुशाक उपलब्ध छ । म्यानुअलमा पनि एक्टिभको मूल्य ४९ लाख ९० हजार, एम्बिसनको मूल्य ५७ लाख ९० हजार र स्टाइलको ६७ लाख ९० हजार रुपैयाँ छ भने अटोमेटिकमा उपलब्ध एम्बिसनको मूल्य ६४ लाख ९० हजार र स्टाइलको ७४ लाख ९० हजार रुपैयाँ छ ।

शुरुमा ३० प्रतिशत डाउन पेमेन्ट गरेर वा आफूसँग रहेको कुनै पनि ब्रान्डको पुरानो कारसँग एक्सचेन्ज गरेर नयाँ स्कोडा कुशाक लिन सकिन्छ ।

कुशाकको अगाडिको भागमा चौडा र अद्वितीय स्कोडा ग्रिल, डुअल हेलाइट सेटअप, एलईडी डिआरएल र फगल्याम्प छ । साथै यसमा रुफ रेल र १७ इन्चको डाइमन्ड कट अलोय ह्विल छ । साथै पछाडिको भागमा स्प्वाइलर, फक्स लिस्भर डिफ्युजर, -याप–अराउन्ड एलडी टेललाइट छ ।

यसको इन्टेरियर चालकलाई सहज बनाउन राखिएको ‘सिम्प्ली क्लेभर’ फिचर भएको आधुनिकता र सुन्दरताको उत्कृष्ट संयोजन छ । यसमा १०.० इन्चको टचस्क्रिन इन्फोटेनमेन्ट सिस्टम, सनरुफ, भेन्टिलेटेड सिट, एम्बायन्ट लाइटिङ, कुल्ड ग्लोबबक्स, ५० वाटको सबवुफरसहितको सिक्स स्पिकर पनि छ ।

सुरक्षाका लागि यसमा ६ एअरब्याग, रियर पार्किङ क्यामेरा, आइसोफिक्स चाइल्ड सिट माउन्ट, अटो हेडल्याम्प र वाइपर र मल्टिकोलिजन ब्रेकिङ सिस्टम पनि छ । साथै इएससी सबै भेरिएन्टमा छ जुन सेग्मेन्टमै पहिलो हो । साथै यसमा टायर प्रेसर मनिटरिङ र हिल होल्ड असिस्ट पनि छ ।

स्कोडा कुशाकमा १.० लिटरको सबैभन्दा बढी पुरस्कृत टीएसआई इन्जिन छ जसले ११५ बीएचपी पावर र १७८ एनएम टर्क उत्पन्न गर्नेछ जुन सेग्मेन्टमै सबैभन्दा बढी हो । टीएसआई इन्जिन ६ स्पिड म्यानुअल र अटोमेटिक ट्रान्समिसनमा उपलब्ध छ ।