स्कोडा कुशाक भारतमा जुलाईमा मात्र डेलिभरी गरिने

जारी कोभिड–१९ को दोस्रो लहरले स्कोडाको बहुप्रतीक्षित एसयूभी कुशाकको लन्चिङ र डेलिभरीमा समेत असर पुग्ने भएको छ । यसका कारण सो एसयूभीको नेपाल आगमन समेत प्रभावित हुने भएको छ ।

स्कोडा कुशाक मार्च महिनामै भारतमा लन्च हुने समाचार सार्वजनिक भएको थियो । तर अब त्यो सम्भव भएको छैन । सो कुराको संकेत स्कोडा अटो इन्डियाका सेल्स, सर्भिस एन्ड मार्केटिङका डाइरेक्टर ज्याक होलिसले एक ट्विटको उत्तरमा दिएका छन् ।

उनले स्कोडा फाबियाको वारेमा सोधिएको प्रश्नमा कुशाक आगामी जुलाईमा डेलिभरी गरिने बताएका हुन् । उनले स्कोडा फाबिया अहिले भारतमा ल्याउने योजना नभएको, जुलाई देखि कुशाकको डेलिभरी गरिने र वर्षको अन्त्यमा एउटा नयाँ सेडान लन्च गरिने बताएका छन् ।

यसका आधारमा स्कोडा कुशाक पहिले तोकिएको समयमा लन्च र डेलिभरी नहुने पक्का भएको छ । यो भन्दा पहिले भारतमा मार्चमा लन्च हुने र नेपाली बजारमा समेत आगामी साउन महिनामा उपलब्ध हुने बताइएको थियो । यद्यपि यसको वारेमा कम्पनीले कुनै आधिकारिक जानकारी भने सार्वजनिक गरेको छैन ।

नेपालमा स्कोडाको आधिकारिक वितरक एमएडब्ल्यु इन्टरप्राइजेजले यसको लागि पहिले देखि नै विशेष तयारी गरिरहेको बताएको छ । स्कोडा कुशाकलाई नै लक्ष्यित गरी विभिन्न स्थानमा डिलर आह्वान गर्नुका साथै नयाँ जनशक्ति समेत भर्ना गरेको छ ।

२०२० अटो एक्सपोमा स्कोडा अटो इन्डियाले भिजन इन नामको एक कम्प्याक्ट एसयूभीको कन्सेप्ट सार्वजनिक गरेको थियो । सो कार लेटेस्ट फिचर सहित लन्च हुनेछ ।

सो कार भिजन इन एमक्युबी एओ इन प्लेटफर्ममा आधारित हुनेछ । सो प्लेटफर्ममा विकसित गरेको यो कार पहिलो हुनेछ । जसको प्रयोग पछि फक्सवागन र स्कोडा कारको लागि पनि प्रयोग गरिने छ । यही प्लेटफर्ममा फक्सवागन टाइगुन पनि विकसित गरिने छ । सो कारको लम्बाई ४२५६ एमएम, ह्वीलबेस २६७१ एमएम हुनेछ ।

लन्च पश्चात सो कारले हुन्डाई क्रेटा, किया सेल्टोस, निसान किक्स, रेनो डस्टरको साथै एमजी हेक्टर र टाटा हेरियरसँग प्रतिस्पर्धा गर्नेछ ।

सम्बन्धित समाचारहरू

यस्तो छ स्पोर्टी लुक र अपडेट फिचरसहितको स्कोडा कुशाक मोन्टे कार्लो

यस्तो छ स्पोर्टी लुक र अपडेट फिचरसहितको स्कोडा कुशाक मोन्टे कार्लो

स्कोडा अटो इन्डियाले कुशाकको मोन्टे कार्लो भर्सन थप स्पोर्टी लुक र अपडेट...

कुशाक र टाइगुनले नयाँ नियम अनुसारको क्रयास टेस्टमा पाए फाइभ सेफ्टी स्टार रेटिङ

कुशाक र टाइगुनले नयाँ नियम अनुसारको क्रयास टेस्टमा पाए फाइभ सेफ्टी स्टार रेटिङ

स्कोडा कुशाक र फक्सवागन टाइगन दुबै मिड साइज एसयूभी हुन् । दुबै मोडलको...

फोटोन मोटर्सको शाखा अब नेपालगन्ज र बुटवलमा

फोटोन मोटर्सको शाखा अब नेपालगन्ज र बुटवलमा

काठमाडौं – एमएडब्लु वृद्धि कमर्सियल भेइकल्स प्रालिले आफ्नो नयाँ शाखाहरु...

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...