स्कोडाले भारतमा शुरु गर्यो कोडियाक २०२२ को उत्पादन, अर्को महिना लन्च हुने

स्कोडाले भारतमा कोडियाक २०२२ मोडलको उत्पादन शुरु गरेको छ । यो एसयुभीलाई २०२२ को जनवरी महिनाभित्र लन्च गर्ने स्कोडाले जनाएको छ । यसै बर्षको जुलाई महिनामा कुसाक एसयुभीलाई बजारमा उतारेको स्कोडाले केही समयअघिमात्र नयाँ सेडान स्लाभियालाई समेत सार्बजनिक गरेको थियो ।

बिएस ६ मापदन्डलाई अनिबार्य गरिएपछि २०२० को अप्रिलबाट उत्पादन बन्द गरिएको यो एसयुभीलाई कम्पनीले पुनः उत्पादन शुरु गरेको हो । पुरानो मोडलमा केही कस्मेटिक चेन्ज गरी बजारमा आउने तयरीमा रहेको यो एसयुभीको फ्रन्ट ग्रिल, हेड ल्याम्प, बनेट र बम्परमा परिबर्तन भएको देख्न सकिनेछ ।

यो नयाँ एसयुभीमा स्कोडाले १०.२५ इन्चको इन्स्ट्रुमेन्ट क्लस्टर, ९.२ इन्चको टचस्क्रिन इन्फोटेन्मेन्ट सिस्टम र नयाँ स्टेरिङ ह्विल दिने सम्भावना देखिएको छ । एमक्युबी आर्किटेक्चरमा आधारित भई उत्पाद गरिने कोडियाकमा क्रुज कन्ट्रोल, पुश बटन स्टार्ट÷स्टप, एम्बिएन्ट लाइटिङ, क्लाइमेट कन्ट्रोल सिस्टम, वायरलेस चर्जिङ, इपिएस, टायर प्रेसर मोनिटरिङ सिस्टम, मल्टिपल एयरब्याग र पानारोमिक सनरुफ जस्ता फिचर्स उपलब्ध हुनेछ । यी फिचर्सको अलवा यो एसयुभीमा स्तरिय एबं प्रिमियम गुणस्तरको सामाग्री प्रयोग हुने अपेक्षा गरिएको छ ।

पुरानो डिजेल इन्जिनको सट्टा यसमा २.० लिटर क्षमताको फोर सिलिन्डर टिएसआई टर्बोचार्जड पेट्रोल इन्जिन जडान गरिने भएको छ । जसको अधिकतम पवार १९० पिएस र टर्क ३२० एनएम रहने बताइएको छ । यसमा जडान गरिएको ७ स्पिड डिएसजी अटोमेटिक ट्रान्समिसनले गाडीको चारवटै चक्कामा पावर ट्रान्सफर गर्नेछ ।