कार एक्सचेन्ज मेलामा सेकेन्ड ह्यान्ड गाडी किन्ने ग्राहकलाई सिप्रदी एस्योर्डले दियो स्मार्ट वाच

काठमाडौं–टाटा कारको सर्टिफाइड रिकन्डिसन हाउस सिप्रदी एस्योर्डले दशैं एक्सचेन्ज मेलामा गाडी किन्ने ग्राहकलाई उपहार प्रदान गरेको छ । कम्पनीले आफ्ना ग्राहकलाई आकर्षक स्मार्ट वाच हस्तान्तरण गरेको हो ।

कम्पनीले दशैँको अवसर पारी ‘दशैंको बेला रिकन्डिन कार एक्सचेन्ज मेला’ स्लोगनसहित एक्सचेन्ज मेला आयोजना गरेको थियो । उक्त मेलामा ग्राहकले आफूसँग भएको जुनसुकै पुरानो गाडी दिएर टाटाको नयाँ तथा पुरानो गाडी एक्सचेन्ज गरेका थिए ।

यसरी एक्सचेन्ज गर्दा सिप्रदी एस्योर्डले पुरानो गाडीमा उच्चतम मूल्यांकन दिनुको साथै हरेक बुकिङमा आकर्षक उपहार र लक्कि ड्रमार्फत विशेष उपहार जित्न सकिने स्किम ल्याएको थियो । कम्पनीले पुरानो गाडीको खरिदमा फाइनान्सको सुबिधा सहित सरल किस्तावन्दिको योजना समेत ल्याएको थियो ।