गायक सुशान्त केसीको रोजाईमा जावा पेराक मोटरसाइकल

काठमाडौं – नेपाली सांगीतिक क्षेत्रका लोकप्रिय गायक सुशान्त केसीले हालै जावा पेराक मोटरसाइकल किनेका छन् ।

आफ्नो व्यक्तित्वसँग मेल खाने भएकाले यो बाइक रोजाईमा परेको उनले बताए ।

उनले पेराकको टेस्ट ड्राइभ गरेपछि यो आरामदायी र विलाशी भएको संकेत पाएका र उनलाइ पेराकले निकै आकर्षित बनाएको कम्पनीको भनाइ छ ।

गायक सुशान्त केसी आमा, मायामा, साथी र बेहोस आदि बोलको मधुर र सार्थक स्वरमार्फत परिचित छन् ।

जावा बाइकको उत्पादक क्लासिक लिजेन्ड्सको आधिकारिक वितरकको रुपमा अग्नि मोटोइंक प्रालिले गत २०२० अक्टोबर १३ मा जावा मोटरसाइकल र पछि जावा पेराक २०२१ मार्चमा नेपाली बजारमा ल्याएको थियो ।

शहर र राजमार्गहरुमा चलाउनका लागि आकर्षक र रमाइलो भएकाले नेपाली बजार प्रवेश पछि जावा मोटरसाइकलले युवाहरु र मोटरसाइकलप्रेमीहरूको निकै ध्यान तानेको छ ।

यसको मूल्य ७ लाख ५० हजार रुपैयाँ निर्धारण गरिएको छ । जावा पेराक एक बबर स्टाइल बाइक हो । जावा पेराकको नाम दोस्रो विश्वयुद्धको समयमा पेरिसमा भाएको मोटर शोमा पेश गरिएको पेराक बाइकबाट लिइएको हो । नयाँ पेराक बाइकमा ३३४ सीसीको सिंगल सिलिन्डर, लिक्विड कुल्ड इन्जिन जडान गरिएको छ जसले ३० बीएचपीको पावर र ३१ न्युटन मिटरको टर्क जेनेरेट गर्छ । सो इन्जिनमा ६ स्पिड गियरबक्स समावेश गरिएको छ । यसको इन्जिन बीएस ६ मापदण्ड अनुरुपको छ ।

यसमा ड्युअल च्यानल एबीएसका साथ दुवैतिर डिस्क ब्रेक दिइएको छ । बइकमा इन्टिग्रेटेड टेल लाइट, टियरडप फ्युल ट्यांक र वाइड ह्यान्डलबार रहेका छन् । नेपाली बजारमा पहिले देखि नै दुई मोडलका बाइक जावा क्लासिक र जावा फोर्टी टु उपलब्ध छन् ।