अटो मेकानिक्स व्यवसायी संघले ग-यो चौधरीलाई आर्थिक सहयोग

ललितपुरमा कार्यरत बाइक मेकानिक्सहरुको संगठन श्री नेपाल अटो मेकानिक्स व्यवसायी संघले संघका सदस्य राजेश चौधरीलाई आर्थिक सहयोग गरेको छ । ललितपुरको भैसेपाटीमा अवस्थित चौधरीको वर्कशप ‘महाकाली मोटरसाइकल वर्कशप’ मा केही दिन पहिले आगलागीका कारण क्षति पुग्नुका साथै ५ वटा बाइक र अन्य सामग्री जलेर नष्ट भएका थिए ।

संघका अध्यक्ष राजकुमार बिकेले चौधरीलाई आइतबार सो सहयोग रकम हस्तान्तरण गरे । संघका सदस्यहरुबाट सो रकम संकलित भएको थियो ।

सो अवसरमा चार पांग्रे सवारी साधन मर्मत कार्यमा संलग्न मेकानिक्स र व्यवसायीहरुको संगठन नेपाल अटो मेकानिक्स व्यवसायी संघका अध्यक्ष ठाकुरप्रसाद न्यौपाने, क्यास्ट्रोल लुब्रिकेन्टको नेपालका लागि आधिकारिक वितरक नेपाल ओभरसिज ट्रेडिङ कन्सर्नका मार्केटिङ म्यानेजर अमरज्योति रञ्जित र टीभीएस मोटरसाइकलको ललितपुरस्थित वितरक युनिराइड अटोका संचालक निर्मल सिग्देललागयतको उपस्थिति रहेको थियो ।

सो अवसरमा बक्ताहरुले आगामी दिनमा संघ र संघका सदस्यहरुलाई आवश्यक सहयोग गर्ने बताए ।

कार्यक्रममा अन्य कम्पनीका अतिथिहरु, संघका पदाधिकारीहरु र सदस्यहरुको उपस्थिति रहेको थियो ।