यस्ता छन् आज नेपालमा लन्च भएको रोयल इन्फिल्ड मेटियर ३५० का सात विशेषता

नेपाली बजारमा आज रोयल इन्फिल्ड मेटियर ३५० मोटरसाइकल लन्च भएको छ । नेपालका लागि आधिकारिक वितरकको रुपमा एमभी दुगड ग्रुप अन्तर्गतको विवेक अटोमोबाइल्सले सो मोटरसाइकल नेपाली बजारमा ल्याएको हो । विवेक अटोमोबाइल्सको देशभर रहेका १९ वटै शाखा तथा डिलरहरु मार्फत आगामी साउन १४ देखि बुकिङ तथा बिक्री वितरण शुरु हुनेछ ।

भारतीय बजारमा पहिले नै लन्च भइसकेको र इन्डियन मोटरसाइकल अफ द इयर अवार्ड समेत प्राप्त गर्न सफल यो मोटरसाइकल नेपाली बजारमा समेत लोकप्रिय बन्ने अनुमान गरिएको छ ।

लुक र स्टाइल
रोयल इन्फिल्ड मेटियर ३५० को लुक र डिजाइन थन्डरवर्डको झलक देख्न सकिन्छ तर थन्डरवर्डसँग केही पनि समानता भने छैन । यसको लुक बोल्ड र मस्कुलर स्टाइलको रहेको छ । सो बाइकमा फराकिलो ट्यांकी र ह्यान्डलबार समावेश गरिएको छ । जसले बाइक राइडरलाई राइड गर्न निकै सजिलो बनाउँछ । सो बाइकमा राइडरको सिट स्प्लिट र कन्फर्टेबल रहेको छ साथै को–राइडरको लागि ब्याकरेस्ट पनि रहेको छ ।

इन्जिन
मेटियर ३५० मा पावर दिनका लागि ३४९ सीसीको सिंगल सिलिन्डर इन्जिन समावेश गरिएको छ । जसले ६१०० आरपीएममा २०.२ बीएचपीको पावर र ४००० आरपीएममा २७ एनएमको टर्क जेनेरेट गर्छ । बीएस६ संस्करण अन्तर्गत क्रुजर सेगमेन्टको यो मोटरसाइकलमा इलेक्ट्रोनिक फ्युल इन्जेक्सन सिस्टम (ईएफआई) छ भने थप सुरक्षाको लागि ड्युअल च्यानल एबीएस पनि राखिएको छ । यस मोटरसाइकलमा टर्न टु टर्न नेभिगेसनको लागि गुगलसँगको साझेदारीमा बनाइएको ट्रिपर पोड र मोबाइल फोन चाजिङका लागि यूएसबी चाजिङ पोर्ट पनि समाबेश गरिएको छ ।

फिचर
सो बाइकमा ड्युअल च्यानल एबीएस सिस्टमको साथमा फ्रन्ट र रियरमा डिस्क ब्रेक समावेश छ । सो बाइकको टप भेरिएन्ट सुपरनोभामा प्रिमियम सिट उपलब्ध रहेको छ ।

मेकानिकल
सो बाइक ६ स्टेप एडजस्टेबल ड्युअल रियर सकर्सको साथमा ४१ एनएम टेलिस्कोपिक र फ्रन्टमा १३० एमएम फोर्क्स समावेश गरेको छ । फ्रन्टमा १००/९० टायर र रियरमा १४०/७० टायर उपलब्ध रहेको छ । सो बाइकको रियरमा ट्वीन ट्युब सक एबजर्बर रहेको छ । रोयल इन्फिल्ड मेटियर ५ ट्रान्समिसन गियरबक्स रहेको छ ।

इन्स्ट्रयुमेन्ट क्लस्टर
सो बाइकमा इन्स्ट्रयुमेन्ट क्लस्टर नै मुख्य कुरा हो । यसमा दुई पोड इकाई जसमा एउटा ठूलो र एउटा सानो रहेको छ । सस्पेन्सनको लागि अगाडि टेलिस्कोपिक फोर्क, ट्वीन साइड रियर सक एब्जर्बर समावेश गरेको छ । यसमा स्पिडोमिटर, गियर इन्डिकेटर, ट्रिप मिटर, ओडोमिटर, फ्युल लेवल इन्डिकेटर जस्ता फिचर रहेको छ । साथै ब्लुटुथ कनेक्टिभिटी, नेभिगेसन र यूएसबी चार्जिङ पनि समावेश गरेको छ ।

मूल्य
सो बाइक तीन भेरिएन्टमा उपलब्ध रहेको छ । फायरबल, स्टेलर र सुपरनोभा गरी तीन भेरिएन्टमा उपलब्ध हुने सो मोटरसाइकलको मूल्य भेरिएन्ट अनुसार क्रमशः ६ लाख, ६ लाख १७ हजार र ६ लाख ४५ हजार रुपैयाँ तोकिएको छ ।

कलर
मेटियर ३५० सात कलर अप्सनमा उपलब्ध रहेको छ । यसमा फायरबल येल्लो, फायरबल रेड, स्टेलर रेड मेटेलिक, स्टेलर ब्ल्याक मेट, स्टेलर ब्लु मेटेलिक, सुपरनोभा ब्राउन र सुपरनोभा ब्लु समावेश रहेको छ । नेपाली बजारमा फायरबलको २, स्टेलरको ३ र सुपर नोभाको २ आधिकारिक कलर उपलब्ध हुनेछ ।